URBAN.AZ

URBAN.AZ

Azərbaycan rejissoru Şamil Əliyevin "Çölçü" bədii filmi GOLD MOVIE AWARDS 2017 beynəlxalq kino müsabiqəsinin final mərhələsinə çıxıb. Yanvar ayının 11-də Londonda mükafatın təqdim edilmə mərasimi keçirildi.

Layihənin prodüserləri kimi Müşfiq Hətəmov və Azər Quliyev çıxış ediblər. Ssenari müəllifi Vidadi Həsənov, quruluşçu operator Rafiq Quliyev, quruluşçu rəssam Rafiq Nəsirov və İbrahim Xəlil Aminovdur.

"Çölçü" filminin musiqisini 2017-ci ilin iyun ayında dünyasını dəyişmiş bəstəkar Rauf Əliyev bəstələyib.

Filmdə baş rolları Bəhruz Vaqifoğlu, Vidadi Həsənov, Cavidan Məmmədli və başqaları ifa ediblər.

Filmin süjeti:
Gənc çölçü şəhərdən uzaqda, təbiət qoynunda yaşayır. Atası ona çöl həyatının bütün sirlərini öyrədir. Atasının ölümündən sonra o, qəsəbədən gəlmiş gənc bir qızla tanış olur. Qızla tanışlıq onun həyatında yeni səhifə, böyük, bu günə qədər tanımadığı bir dünyaya addımdır...

Film Mədəniyyət və Turizm Nazirliyinin sifarişi ilə "Azərbaycanfilm" kinostudiyasında çəkilib.


Şərhlər