URBAN.AZ

URBAN.AZ

Beynəlxalq KİV-lərdə tanınmış azərbaycanlı stilist Anar Ağakişiyev haqqında materiallar yer alıb. Anarın istedadı Britaniya, Kanada, Avstraliya, BƏƏ, Serbiya, Gürcüstan, Rusiya, Ukraynadan olan nəşrləri maraqlandırıb. 

Before/After layihəsinin çərçivəsində Anar Ağakişiyev kosmetika, ustalıqla edilmiş makiyaj və saç düzümləri vasitəsilə obrazları "transformasiya edir". Stilistin qızıl əlləri qadınları 20-30 yaş cavanlaşdırır. KİV-lər "transformasiyaları" inanılmaz və fantastik adlandırır, oxuculara "cavanlaşmış" qadınların şəkillərini təqdim edirlər. Yaşı 60 və daha çox olan qadınların yenilənmiş obrazları xüsusilə heyranedicidir.

Materiallarda o da qeyd edilir ki, bəzən "əvvəl" və "sonra" şəkillərində eyni insanın olduğuna inanmaq çətin olur.

"Mən bu peşəni çox sevirəm və öz işimdən həzz alıram.Yəqin ki, bütün sirr bundan ibarətdir. 50% kosmetika, 50% mənim istedadım və 70 yaşlı qadın 30 yaş cavan görünür. Bu mümkündür. Mən mükəmməlliyə can atıram, hər bir qadın razı qalmalıdır". 

                                                                                                                                            Anar Ağakişiyev

Anar gözəllik industriyasında arzularının karyerasını qurmaq üçün tibb  universitetində təhsilini yarımçıq qoyub. Məqsədinə çatmaq - peşəkar stilist olmaq üçün Almaniya, Rusiya, İtaliya, İspaniya və başqa ölkələrdə makiyaj və saç düzümləri üzrə master-klaslar keçib.

İndi onun istedadına amerikalı müğənni Nikol Şerzinger, rusiyalı model İrina Şeyk və müğənni Alsu, türkiyəli ulduzlar Sinem Kobal və Nebahat Çehre, gürcüstanlı müğənni Sofiko Nijaradze və başqaları valeh olublar. Anarı aktiv şəkildə başqa ölkələrdə mater-klaslar verməyə dəvət edirlər.

 


Şərhlər