URBAN.AZ

URBAN.AZ

1–10 apreldə Bakıda Polyak Sənədli Fotoqrafiya Festivalı keçiriləcək.

Festivalın proqramı :
1 – 10 Aprel
“Polyak Fotoqrafiyasının izində”
Açıq hava altında sərgi; “Açıq qalereya”, Kiçik Qala 82, İçərişəhər
Fotoqraflar: Marta Berens (Marta Berens), Lukaş Qrıko (Łukasz Gryko), Bartek Vajexa (Bartek Warzecha), Karina Lempkovska (Karina Lempkowska)
Çağdaş polyak fotoqrafiyasının qısa təqdimatı.

2 -10 Aprel
‘IS(NOT)’
Müasir İncəsənət Mərkəzində nümayiş olunan əsas sərgi
Fotoqraflar: Rafal Milax (Rafał Milach), Aqneşka Rays (Agnieszka Rayss) , Adam Pançuk (Adam Pańczuk), Mixa Uçak (Michał Łuczak), Yan Brıkdjinski (Jan Brykczyński)
Məşhur polyak fotoqraflarının İslandiya barədə fərdi təəssüratlarını əks etdirən sərgi
Sərgi polyak fotokitablarının təqdimatı ilə müşaiət olunacaq.
İş qrafiki: 12:00 – 19:00

2 – 3 Aprel
Yeni başlayan fotoqraflar üçün seminar
Rafal Milax (Rafał Milach), Aqneşka Rays(Agnieszka Rayss), Adam Pançuk (Adam Pańczuk) tərəfindən master klass
Müasir İncəsənət Mərkəzi

7 Aprel
19:00 – “Hava yaxşı olsa” filmi. Filmin ardından müəlliflərlə müzakirə
Qısa sənədli filmin nümayişi.
Müəlliflər: Rafal Milax (Rafał Milach), Andrey Yankeviç (Andrei Liankevich) və Xuldar Breytfyord (Huldar Breidfjord).
Tor anası ilə birgə İslandiyanın şimal qərbində bir fermada yaşayır. O qonşu kənddəki məktəbə gedir. Anası isə iki yüz başlıq bir qoyun sürüsünün qeydinə qalmaqla məşğuldur. Onlar Ingjaldssandur fyordunda məskunlaşan sonuncu sakindirlər və hər il sərt qışın gətirdiyi tənhalıqla mübarizə aparırlar. Bu mübarizə sivilizasiya ilə qovuşduran yolların bərbad vəziyyətdə olması ilə daha da çətinləşir.
Film Azərbaycan dilində alt yazı ilə nümayiş olunacaq.
Müasir İncəsənət Mərkəzi

8 Aprel
19:00 – “Tanrının Lütfü” filmi. Filmin ardından müəlliflərlə müzakirə
Qısa sənədli filmin nümayişi.
Müəlliflər: Aqneşka Rays (Agnieszka Rayss), Yan Brkdjinski (Jan Brykczyński)və Kristyan Palson (Kristjan Palsson)
“Tanrının Lütfü” ev heyvanları ilə insanlar arasında olan mürəkkəb əlaqələri əks etdirən sənədli filmdir. On üç ayrı insan müəyyən bir heyvanla ünsiyyət nəticəsində yaşadıqları dərin dostluq və qeyri-adi əlaqədən əldə etdikləri şəxsi təcrübələrini bölüşəcəklər. Film İslandiyanın ucqar bölgəsində lentə alınıb və Azərbaycan dilində alt yazı ilə nümayiş olunacaq.
Müasir İncəsənət Mərkəzi

9 Aprel
10:00 – 13:00 – Fotoqrafların portfoliolarına baxış
Rafal Milax (Rafał Milach), Aqneşka Rays (Agnieszka Rayss) və Adam Pançuk (Adam Pańczuk) öz portfoliolarını nümayiş etdirmək arzusunda olan fotoqraflara bu işdə bələdçilik edəcək. Tədbir Rus dilində keçiriləcək və iştirak üçün öncədən qeydiyyatdan keçmək tələb olunur.
Müasir İncəsənət Mərkəzi

9 Aprel
15:00- Müəlliflərin “IS(NOT)” sərgisində görüşü
“Sputnik Photos” kollektivinin fotoqrafları “2006 – 2016” toplusunun şəkillərini nümayiş etdirməklə yanaşı yeni başlayan polyak fotoqraflar haqqında da danışacaqlar. Görüşdə multimediya təqdimatı olacaq. Tədbir ancaq Rus dilində keçiriləcək.
Müasir İncəsənət Mərkəzi

Bütün tədbirlərə giriş ödənişsizdir.

Daha ətraflı məlumat üçün www.sputnikphotos.com veb səhifəsini ziyarət edin.


Şərhlər