URBAN.AZ

URBAN.AZ

Bu fikir 2005-ci ildə Portuqaliyalı Paolo Magallhinshinin ağlına gəldi. Poçt kartlarının göndərilməsi və qəbulu onun o qədər xoşuna gəlirdi ki, həmfikirlərini tapmaq üçün sayt yaratdı. Tezliklə layihə beynəlxalq səviyyəyə çatdı və 2008-ci ilin aprel ayında poçt postcrosserlərin Türkiyədən Macarıstana göndərilən milyonuncu poçt kartını çatdırdı.

Poçt kartlarının mübadiləsi planetin bütün yerlərindən olan müxtəlif insanlarla qısa müddətli tanışlıqdır. Onların arzuları, istəkləri və vərdişlərini, yaşadıqları şəhər haqqında kiçik eskizləri öyrənə bilərsiniz. Bu, maraqlı, təsadüfi yol yoldaşı ilə ünsiyyət kimidir. Bəzi hekayələri eləcə yazıçı bankına qoymaq istəyirsən.

İki nəfər arasında normal yazışma yarana bilər, ancaq əvvəlcədən heç kim haradan, nə vaxt və kimdən kart göndəriləcəyini bilmir. Biz Bakıda postcrosserlərin təcrübələrini öyrənmək üçün axtarışına çıxsaq da, onları tapmadıq. Buna görə də Gürcüstandakı və Rusiyadakı yoldaşlarımızın postcrossing barədə danışmalarını istədik.

Mən postcrossinglə 2014-ci ildə nəqliyyat şirkətində gündəlik ağır logistik işdə çalışarkən məşğul olmağa başlamışam. Ruhum səyahət arzulayırdı və o zaman rəfiqəm məni postcrossinglə tanış etdi. İlkin olaraq, məni kartları almaq prosesi cəlb etdi. Beləki, bəxt dərhal mənim üzümə güldü. Finlandiyalı bir qızdan məktub aldım və o, əsl sənət əsəri idi: zərf yerinə - qatlanmış və yapışdırılmış yerli konsertin plakatı, onun üzərində - ağac yarpaqları və çılpaq kişi gövdəsi olan marka və içərisində - qız tərəfindən sevdiyi hard rock musiqi qruplarının klipləri yazılan disk. Bu sadəcə inanılmaz idi!

Makao, Sinqapur, İsrail və Maltaya poçt kartları göndərdim. Cavab olaraq, Nepal, Əlcazair, Şri-Lanka, Fici və BƏƏ-dən kartlar aldım. Əlbəttə ki, Hollandiya, Almaniya, Tayvan və ABŞ-la da böyük açıqca dövrüyyəsi var,  postcrossingin nəhəngləri olan bu ölkələrsiz keçinmək olmaz! Ən yaddaqalan poç kartlarından biri mənə Tayvandan uçub gələndi. Əl işi olan açıqca dörd qız tərəfindən çəkilmişdir. Onlar üzərində ölkənin görməli yerlərinin qeyd olunduğu xəritəsini çəkmişdilər. Ünvanlarını qeyd edib, qonaq çağırmışdılar.

Bir gün poçt qutusunu açdım və orada əlində xoruz tutan oğlan olan kvadrat kart tapdım. Mən ölkə koduna baxdım – adətən ilk növbədə bunu edirəm - belə bir ölkəni tanımadığım üçün təəccübləndim! Fransız Polineziyası olduğu ortaya çıxdı. Maraqlandım, postcrossing saytında onun haqqında oxudum və bu ölkədə yalnız 11 iştirakçının və göndərilən min poçt kartın olduğunu öyrəndim. Mənə kart göndərən bütün kartlardan çoxlu sayda göndərib və buna görə də bütün qitələrdən mindən çox kart alıb. Bu xəzinə ilə muzey açmaq olar.

Olqa Sajneva, Tambov, Rusiya

Mən postcrossinglə Tiflisə köçdükdən sonra maraqlanmağa başladım.

 Bundan əvvəl hər ay "kitab sürprizlərində" iştirak edirdim. Bu zaman bir qrup insan yığışır və təsadüfi olaraq ünvanlar paylanır: hər adam ünvanı düşənə kitab göndərir. Lakin bu Sankt-Peterburqda idi. Gürcüstanda artıq bunu özümə icazə verə bilməzdim – bahalı poçt xidmətləri var. Lakin mənim hər zaman kiməsə nəsə göndərmək, kimisə sevindirmək və əlbəttə ki, özümün də nə isə almaq xoşuma gəlirdi. Postcrossingi sınaqdan keçirməyə qərar verdim. Beynəlxalq və rus dilində saytda qeydiyyatdan keçdim. Göndərməyə başladım. Dərhal aludə olursan! Düyməni basırsınız və sizə ünvan düşür.

Seçim təsadüfi şəkildə baş verir. Tez-tez düşən ölkələr: Amerika, İtaliya, Almaniya – bunlar top ölkələrdir. Rusiya saytında Moskva və Sankt-Peterburq liderlik edir.

Ən maraqlı şeylərdən biri kartları zövqünüzə görə seçmək imkanıdır. Məsələn, siz bayquşların pərəstişkarısınız - bu barədə yazın və sizə məhz xoşunuza gələn şeyləri göndərə bilərlər. Mənə də poçt kartlar “sifariş ediblər”, məsələn, "pin-up" üslubunda nəsə, musiqi alətləri, avtomobillər, Gürcüstanın mənzərələri və s. Göndərəcəyiniz kartları ala biləcəyiniz çoxlu sayda saytlar mövcuddur. Bu saytlarda tez-tez poçt kartları sifariş edirəm. Bəzən onlardan ayrılmaq çox çətin olur.

Mənə gələn ən qeyri-adi poçt kartlarını Çin və Yaponiyadan gələnlər idi. Onlar inanılmazdır! Amma mənim üçün ən yaddaqalanı Avstraliyadan - Tiflis və Batuminin mənzələrinin əks olunduğu tam zərf, həmçinin Rio-de-Janeyrodan açıqca və xüsusi olaraq Olimpiada üçün buraxılmış sikkə olan kartı idi. Bəli, mən Gürcüstanda belə bir sikkəni haradan tapa bilərdim?

Postcrossingin daha bir üstünlüyü, xarici dilinizi məşq etmək və ünsiyyət üçün əla fürsət yaratmasıdır. Belə ki, tez-tez kartpostlar ingilis dilində imzalanır.

Tatyana Hurkilava, Tbilisi, Gürcüstan

Beləliklə, nədən başlamaq lazımdır?

"Təbiətdə poçt kartlarının dövriyyəsi"ndə iştirak etmək üçün, postcrossing.com saytında qeydiyyatdan keçməlisiniz.

Açırıq, çoxlu sayda ilan qurbağa hərflər görürük, qorxmuruq, "Sign up " (Qeydiyyat) düyməsini basırıq. Qeydiyyatdan keçmək üçün bizə cəmi 10 dəqiqəmizi ayırmaq lazımdır. Köks ötürməyin, bu həqiqətən vacibdir.

 

№1 bənddə - "Your approximate location" - ölkənizi göstərmək lazımdır.

№2 nömrəli - "Account details" – siz logininizi, e-poçt və şifrənizi göstərirsiniz (şiddətlə parolu gizli qeyd dəftərçəsində yazmanızı məsləhət görürük).

Username (həmin istifadəçi adı) saytda qeydiyyatdan keçəcəyiniz addır. Bu hər şey ola bilər: banal "İvan" dan "Kainatın_Sahibi"nə kimi (təsəvvürünüz, cəsarətiniz, yumor hissiniz və yaradıcılıq qabiliyyətinizə bağlıdır). Limit var - 20-dən çox simvol, boşluqlara icazə verilmir. Adınız iki və ya üç sözdən ibarətdirsə, tire və ya altcizgidən istifadə edin.

 

Və son olaraq, № 3 "Your address" məntiqli olaraq ünvanınızı göstərirsiniz. Ünvan latın hərfləri ilə yazılmalıdır beləki, bu məlumatlarla açıqcaları əcnəbilər doldurmalı olacaqlar.

Əvvəlcə soyad, daha sonra küçə, ev və mənzil, sonra qəsəbə, bölgə, sonra ölkə və poçt kodu göstərilir. Bütün bunlar mümkün qədər dəqiq yazılmalıdır ki, sizə ünvanlanmış hər şey itirilməsin və səhvən başqa bir ünvana çatdırılmasın.

Bütün sahələri doldurduqdan sonra, səhifənin aşağısındakı " Sign me up!" düyməsini basın.

Təbrik edirik, postcrossingdə 300 mininci və ya 500 mininci iştirakçısınız.

Sevindinizmi?

İnanırıq, amma bu hələki, poçt kartlarının mübadiləsinə qatılmaq üçün lazım olan bütün manipulyasiyalar deyil.

Qeydiyyatdan keçdikdən  sonra, siz poçt qutunuza (məlumatların doldurulması zamanı göstərdiyiniz e-poçt) girib, orada saytda qeydiyyatınızı təsdiqləmək üçün postcrossing.com xidmətindən bir tələb tapacaqsınız.

Məktubu açırıq - məktubda "To confirm your email address, please use the following link " ("E-poçt ünvanınızı təsdiqləyin, aşağıdakı linki istifadə edin") sözlərindən sonra olan linkin üzərinə basın.

İndi tamamdır. Siz saytda qeydiyyata alındınız və poçt kartlarının mübadiləsinə başlaya bilərsiniz. Bəlkə də, Bakıda ilk postcrosser olacaqsınız!

Sizə uğurlu postcrossing diləyirik!


Şərhlər