URBAN.AZ

URBAN.AZ

“Rəqs stressdən müalicədir. Həyatınızda nəsə düz getmir rəqsə gedin; hər şey yaxşı və sevinclidir- o zaman rəqsə gedin. Həyatınızda nəyisə dəyişmək istəyirsiniz? Artıq anladınız...”, Baila Baku salsa məktəbinin müəllimləri Emin və Samirə zarafat edirlər.

Yaxın keçmiş - 2015-ci ildə "İçərişəhər" metrostansiyasının qarşısındakı binada kiçik rəqs studiyası Baila Baku qapılarını ziyarətçilərin üzünə açdı. Rəqs məktəbinin əsas məqsədi doğma şəhərində salsanı inkişaf etdirmək, bu istiqamətə sevgini artırmaq və insanlara “qabıqlarından” çıxmaqda kömək etməkdir.

İki il ərzində Emin və Samirənin əlindən yüzdən artıq tələbə keçib. Yüzlərlə dərs və rəqs gecələri, xarici rəqqaslardan onlarla ustad dərsləri, Ukraynadan və Gürcüstandan dəvət olunmuş məşqçilər, yüzlərlə yeni dost və rəqs salonunda təxminən min saat ... Bu necə belə alındı ki, İT mühəndisi Emin rəqs etməyə başladı və onun şagirdləri kimlərdir?

"8 ilə yaxın qayaya dırmanma ilə məşğul olurdum", Emin danışır, "çiynim yerindən çıxdı və bu fəaliyyətdən imtina etməyə qərar verdim". Samira məni Bakı rəqs məktəblərindən birinə (Badi Kuba) sürüklədi ... ümumiyyətlə, əyləncə kimi başladım, aludə oldum, bu da nəticə".

Həvəskarlar üçün yerli çempionata düşüb və onu udanda uşaqlar cəmi bir necə ay məşğul olmuşdular.

“Bu böyük bir zövq idi. Ətrafımızda bizdən artıq işləyən iştirakçılar idi və biz, rəqslərdə yalnız 4 aylıq təcrübəsi olan yeni gələnlər. Bu yalnız qələbə deyil, təkan, motivasiya idi – irəliyə getmək, davam etmək üçün”.

"Rəqsdə 4 il keçirdik və gözəl bir gün ağlmıza gəldi ki, yeni bir şey istəyirik, növbəti səviyyəyə çatmağa hazırıq:

- Məktəbimizi açaq?

- Bəli".

7 Sentyabr 2015-ci ildə uşaqlar işə başladı.Rəqs sinifinin yanında kiçik bir otağın divarında ilk dərslərdən fotoşəkilləri asılıb. Onlara baxarkən, uşaqlar hər bir şagirdlərini xatırlayırlar. Kimsə evlənib, kiminsə uşağı var, kimisi başqa şəhərə köçüb, amma iki ildir onlarla birlikdə olanlar da var.

"İnsanlar rəqs etməyə müxtəlif səbəblərdən gəlirlər: kimi dost tapmaq istəyir, kimsə musiqi və əyləncəni sevir". Mənim üçün rəqs, özümü başqa tərəfdən tanımaq, bədənimin tamamilə yeni imkanlarını ortaya çıxarmaq üçün vasitədir", Emin və Samirənin tələbələridnən biri Tatyana təəssüratlarını bölüşür. “Mənə rəqslə yaşayan bədəninin hər bir hüceyrəsi ilə musiqini hiss edən insanları seyr etmək maraqlandırır - onlar inanılmazdırlar. Məktəbləri üçün Emin və Samirəyə çox təşəkkür edirəm. Bu, böyük işdir".

Samirə və Emin də, həmçinin şagirdlərindən, onların dəyişmələrindən məmnuniyyətlə danışırlar. Bir az sıxılan, utancaq, rəqsə yeni başlayanların 3-4 ay ərzində necə transformasiya uğrayıb, digər insanlara çevrilməsi haqqında danışırlar.

“Onlarda hər şey dəyişir. Duruş, yeriş, danışıq manerası və insanlarla ünsiyyətdə olan zaman özünü aparmaları. Bir çoxları etiraf edir ki, əldə edilən yüngüllük həm işdə, həm də şəxsi münasibətlərdə onlara kömək edir. Rəqs - insanın həyatını dəyişdirmək, bədənini və düşüncələrini azad etmək vasitəsidir”.

 

“Əksər hallarda rəqs salonlarında oğlanlara nisbətən daha çox qız var ", Emin deyir. - "Kişilər rəqs etmir" stereotipi hər yerdədir, lakin hər zaman çıxış yolu var. Məsələn, bizdə Samira də kişi partiyasını rəqs edə bilir”.

"Kişi partiyaları, müəyyən mənada, daha mürəkkəbdir. Həm kişilər, həm də qızlar texnikanı yadda saxlamalı və işləməlidirlər (hər biri özünükünü), lakin məhz kişi rəqsi aparır, ritmi qurur və idarə edir. Qadın isə dinləməli və aparılmağa icazə verməlidir. Rəqs salonundan əlavə, bu bacarıqların hamısı rəqs gecələrində işlənilir”.

Rəqs gecələri hər həftə 2-3 dəfə təşkil edilir və bu, məşq etmək üçün əla yoldur. Samirə və Eminin də qeyd etdiyi kimi, əgər qız bir dəfə rəqs etməyə dəvət olunduqdan sonra təkrar-təkrar rəqsə dəvət edilirsə, bu, onun necə rəqs etməsinə bir komplimentdir. 

"Ya da o, sadəcə tərəfdaşınının xoşuna gəlib”, - Emin gülür.

Sosial rəqslərdə yaş həddi yoxdur. Baila Bakının ən gənc tələbəsi 16 yaşındadır, ən yaşlısı isə 66. Samirə "50+" qrupundan fərəhlə danışır, ”bu qızların" ona böyük ilham verdiklərini etiraf edir.

"Biz ildə ən azı iki dəfə beynəlxalq müsabiqələr və peşəkar müəllimlərdən master-klasslara qatılmağa çalışırıq, - deyir Samirə. – Onların təcrübə və biliklərini qəbul etmək, özümüzünküləri təkmilləşdirmək üçün”.

Emin tez-tez işi ilə əlaqəli məzuniyyətdə olur. Özünün etiraf etdiyi kimi, hər hansı şəhərdə və ya ölkədə olmasından asılı olmayaraq, işdən sonra hər axşam salsa gecəsinə baş çəkir. Dublin, Varşava, Kiyev, Stokholm və Moskvada belə olub ...

"Rəqs ünsiyyətin universal bir növüdür. Yapon, koreya, hətta ingilis dilini bilmək lazım deyil. Siz bir tərəfdaşı rəqsə dəvət edirsiz və bir-birinizi rəqs vasitəsiylə anlayır və hiss edirsiniz”,- Emin deyir.

Baila Baku stüdyosu harada yerləşir: “İçərişəhər” metro stansiyası qarşısında, Şeyx Şamil küçəsi 1.

Qeydiyyatdan necə keçmək olar:

• +99450 231 01 06 / +99450 229 82 17 / +99412 409 18 90 nömrələrinə zəng edin

Facebook səhifəsinə yazın,

İnstagram səhifəsinə yazın,

• və ya dəvətsiz gəlin.

Hansı günlər :

• Bazar ertəsi-cümə axşamı - salsa, başlanğıc səviyyə 19:00

• Çərşənbə axşamı - Cümə - salsa, irəliləmiş səviyyə, 19:00

• Cümə axşamı - Bacata, 20:30

Qiyməti: 25 manatdan 50 manatadək. Cütlüklər və tələbələr üçün xüsusi endirimlər mövcuddur.

Cədvəl və qiymətlər haqqında daha ətraflı məlumat üçün BURA vurun.


Şərhlər