URBAN.AZ
URBAN.AZ

Telegram Banner

İnternetdə müəyyən çevrələrdə tanınmış şəxsiyyət olan Kərimov Arif Paşa oğlu haqqında yenidən düşünməyə imkan verən video meydana çıxıb. Dağıstan DİN YPPX-in əməkdaşı Eldar Ramazanovun qətlinə görə on səkkiz il ciddi rejimli cəzaçəkmə müəssisəsində həbsə məhkum edilmiş Kazım Sefikuliyev baş verənləri öz tərəfindən nəql edir.

O bildirir ki, qatil olmayıb, günahı onun boynuna atıblar. Qətlin əsl sifarişçisi isə Dağıstan Respublikasının ovaxtkı prokuroru İmam Yaraliyevlə əlaqələri sayəsində “sudan quru çıxmağı” bacarmış Məhərrəmkənddən olan milyonçu Arif Kərimovdur.

Kazım Sefikuliyevin sözlərinə görə, Arif Kərimovun 90-cı illərin əvvəllərində Dağıstanda silahlı quldur dəstəsi şəklində döyüşçü qolu olan ictimai hərəkatın yaranmasında əli var idi. Kərimov heç nədən xəbəri olmayan gəncləri ictimai struktura qoşulmağa çağırırdı, lakin onlar təşkilatın həqiqi məqsədlərindən xəbərsiz idilər. Dağıstanın Məhərrəmkənd, Axti və Qasımkənd rayonlarının ərazisində təşkilat üzvlərindən döyüşçü formalaşdıran hərbi-məşq bazaları var idi. Bu zaman Kərimov Dağıstan ərazisindən Rusiya-Azərbaycan sərhəddində silahlı basqınların hazırlanması ilə məşğul olurdu. “Sadval” Dağlıq Qarabağdan maliyyələşirdi. Sefikuliyev iddia edir ki, Arif Kərimov şəxsən Dağlıq Qarabağa gedərək, oradan milyonlarla ABŞ dolları alır, həmin pulları isə silahın alınması, döyüşçülərin təlimi və yaşayışı, terror aktlarının hazırlanması və şəxsi ehtiyacları üçün xərcləyirdi.

Məhkumun sözlərinə görə, Arif Kərimovun döyüşçüləri yüzlərlə puç olmuş tale və onlarla həlak olmuş gəncin həyatına görə cavabdehdirlər. Sefikuliyev deyir ki, bu, onların pul tələb etdikləri günahsız milis işçiləri və iş adamları, həmçinin diversiya fəaliyyəti və Bakı metrosundakı terror aktlarının qurbanlarıdır.

Kazım Sefikuliyev boynuna alır ki, özü də “Sadvalın” üzvü olub. Öz video-müraciətində o, 1997-ci ildə Kullar postunda silahla dolu KamAz avtomobilini saxlamış Məhərrəmkənd rayonunun polis işçisi Eldar Ramazanovun öldürülməsi hadisəsinin öz versiyasını təqdim edir. Kazım Sefikuliyevin sözlərinə görə, bu cinayəti şəxsən Arif Kərimov və onun böyük oğlu Turan Kərimov törədiblər, lakin cinayət işinin materiallarında Turan Kərimovun ifadələri var. Bu ifadələrə əsasən, polis işçisinin qətli günü Arif Kərimovun xahişi ilə Kazım Sefikuliyev Arif və Turan Kərimovlarla bir avtomobildə Dərbənd şəhərinin cənub postuna getmişlər. Orada atışma başlamış və atışma nəticəsində o yaralanmış, DYP (DAM) işçisi Ramazanov isə öldürülmüşdür.

Məhkəmə Kazım Sefikuliyevi günahkar hesab etmiş və ona cəza vermişdir. Sefikuliyevin dediyinə görə, cəzaçəkmə müəssisəsində keçirdiyi 17 il ərzində ona qarşı 20-ə yaxın sui-qəsd təşkil edilib. İlk cəhd isə istintaq təcridxanasında baş verib – onu təhlükəli şahid kimi aradan götürmək istəyiblər. Sefikuliyevin sözlərinə görə, istintaq təcridxanasının işçiləri kameraya beş bıçaqlı narkoman salmış və onların Sefikuliyevin yuxu arteriyalarını kəsmək cəhdlərini kənardan müşahidə etmişlər. Sefikuliyevin mübarizə apardığını gürərək, onun hücumçəkənlərdən kimisə öldürə biləcəyindən qorxub, işə qarışmışlar. O, xəstəxanaya aparılmış, ona 89 tikiş qoyulmuşdur. Sonradan tez-tez Sefikuliyevin cəza çəkdiyi müəssisəyə bıçaqlı məhkumlar göndərilmiş, lakin o, hər dəfə müqavimət göstərmişdir. Kazım Sefikuliyevin sözlərinə görə, son sui-qəsd Dağıstan Respublikasının 2 saylı CM-də baş tutmuşdur. Burada müalicə həkimi Sefikuliyevi iynələrlə öldürməyə cəhd etmişdir.

Öz video-müraciətində Kazım Sefikuliyev sifarişçisi Arif Kərimov olan başqa cinayətlərdən də bəhs edir. 24 sentyabr 1997-ci ildə Məhərrəmkənd sakini, iş adamı Feliks Efindiyev qətlə yetirilib. Səfiquliyevin sözlərinə görə, bu qətlin iştirakçılarından biri bu gün qətlin təşkilatçısı olan Arif Kərimova qarşı ifadə verməyə hazırdır.

1997-ci ilin noyabr ayında daha bir qətl hadisəsi, bu dəfə Feliks Efindiyevin əmisi, milis podpolkovniki, Dərbənd şəhəri üzrə narkotiklə mübarizə şöbəsinin rəisi İmalat Efindiyevə qarşı törədilib. Sefikuliyevin dediyinə görə, İmalat Efindiyev öz kanalları ilə qardaşı oğlunun ölümündə kimin əlinin olduğunu öyrənib və cinayət işinin ədalətli aparılmasını tələb edib. Məhz buna görə də onu “aradan götürüblər”.

1998-ci il iyulun 22-də Fataxov Maqomed Saidin qətli baş tutub. Qatil, guya Kərimovun təşkilatının üzvü, Şahin adlı biri olub. O, Kazım Sefikuliyevlə bir kamerada saxlanılıb. Sefikuliyev danışır ki, bir dəfə onların kamerasına Dağıstan Respublikasının prokuroru gəlib, Şahinin tezliklə azad olunacağını bildirib və Arif Kərimovdan salam çatdırıb.

Arif Kərimov və Turan Kərimova qarşı cinayət işi açılmış və ayrı icraat təsis edilmişdir.

09.09.1997-ci il tarixli Turan Kərimov və Kazım Sefikuliyevin üzləşdirmə protokoluna əsasən, Turan atasına qarşı ifadə verir və Arif Kərimovu qanunsuz silahlı qruplaşmaların təşkilatçısı adlandırır, bildirir ki, Kerimov yüzlərlə gənci aldadaraq öz təşkilatına cəlb etmiş, sonra isə istifadə edib, satmışdır.

Sefikuliyevin dediyi kimi, 1997-ci ildə axtarışda olan Arif Kərimov və onun oğlu müəmmalı şəkildə Rusiya pasportları əldə etmişlər. O zamana qədər isə Azərbaycan Respublikasında yaşamış və onun vətəndaşları olmuşlar. 2002-ci ildə Arif Kərimov və onun oğlunun adına açılmış cinayət işləri Dağıstanın prokuroru İmam Yaraliyev tərəfindən bağlanmışdır.

Kazım Sefiquliyevin sözlərinə görə, Arif Kərimovun cinayət qruplaşmasının bütün məhkum olunmuş və cəzaçəkmə müəssisəsində öldürülməmiş üzvləri azadlığa çıxan kimi qətlə yetirilmişlər. Sefikuliyevin özünə qarşı bir neçə dəfə sui-qəsd təşkil olunmuşdur.

Öz təhlükəsizliyini təmin etmək üçün Kazım Sefikuliyev video-müraciəti qeydə almış və onu internetdə yaymışdır. Kazım Sefikuliyev, həmçinin Arif Kərimovun 90-cı illərdə Bakı metrosunda baş vermiş iki terror aktının təşkilatçısı olduğunu bildirmişdir. Bu yolla o, guya Ermənistan xüsusi xidmət orqanlarından aldığı maliyyə yardımının əvəzini ödəyir, döyüşçülərin hazırlanması və terror aktlarının təşkili üçün yeni maliyyə əldə edirdi.

19 mart 1994-cü il saat 13:00-da metronun “20 Yanvar” stansiyasında partlayış baş vermişdi. Qatar stansiyada dayandığı anda baş vaqonda saat mexanizmli əldəqayırma bomba partlamışdı. Terror aktı zamanı 14 nəfər həlak olmuş, 49 nəfər yaralanmışdır. Aktı həyata keçirən Oqtay Qurbanov partlayış zamanı ölmüşdü.

Cinayətin törədilməsində şübhəli kimi “Sadval” üzvləri həbs edilmişdi. İstintaq məlumatlarına əsasən, terror aktının təşkilatçı və icraçıları Ermənistan xüsusi xidmət orqanları ilə əlaqədə olmuş və həmin ölkənin ərazisində təlimat keçmişlər. Terror aktı faktına görə 11 nəfər məhkum edilmiş, onlardan ikisi ölüm hökmünə, qalan doqquzu isə müxtəlif müddətli həbs cəzalarına məhkum edilmişlər.

1994-il iyulun 3-də Bakı metrosunda ikinci terror aktı baş vermişdir. Saat 8:30-da “28 May” stansiyasından yola düşmüş elektrik qatarı “Gənclik” stansiyasının platformasından beş yez metr məsafədə olarkən qatarın ikinci vaqonunda partlayış baş vermişdir. Partlayışdan sonra qatarın vaqonları alışmış, nəticədə 13 nəfər həlak olmuş, daha 58 sərnişin yaralanmışdır.

“Gənclik” və “28 May” stansiyaları arasında elektrik qatarında partlayışın təşkili faktına görə Moskvada Azərbaycan vətəndaşı Azər Aslanov həbs edilmişdir. 29 noyabr 1997-ci ildə onu Azərbaycana ekstradisiya etmişlər. 1998-ci ildə Aslanov bildirmişdir ki, terror aktını keçirmək əmrini erməni əsirliyində olan zaman almışdır. Məhkəmə terrorçunu ömürlük həbs cəzasına məhkum etmişdir. İstintaq müəyyən etmişdir ki, terror aktının təlimatçıları Ermənistan xüsusi xidmət orqanlarının əməkdaşları olmuşdur.

Yüzlərlə insanın həyatına son qoymuş bu dəhşətli cinayətin icraçılarından biri Qasım adlı döyüşçü olmuşdur. Sefikuliyevin sözlərinə görə, Arif Kərimov şəxsən icraçıya yardım edir, onu gizlədirmiş. Qasım Dərbənd ərazisində həbs olunduqdan sonra istintaq təcridxanasında törətdiyi cinayətlər haqqında, o cümlədən Arif Kərimova qarşı da ifadə verməyə başlamışdır. Qasım Kazım Sefikuliyevlə qonşu kameralarda saxlanılmış və guya törətdiyi cinayəti təfərrüatı ilə ona danışmışdır. Arif Kərimovla sövdələşməyə əsasən, Dağıstan prokuroru Yaraliyev Qasımın Azərbaycana təhvil verilməsini təşkil etmişdir. Sərhəd keçid məntəqəsində köçürülmə zamanı onu qaçırmış, sonra isə öldürmüşlər. Kərimov çoxdanışan Qasımı aradan götürməli idi. Sefikuliyev hesab edir ki, Qasım Azərbaycanda Bakı metrosundakı terror aktının təşkilinə dair ifadə versəydi, bu, İmam Yaraliyev və Arif Kərimovun həbsinə gətirib çıxaracaqdı.

Bu gün Arif Kərimov hələ də azadlıqdadır və heç bir cinayətə görə məsuliyyətə cəlb olunmayıb. O, rəsmi olaraq FLMMM-ə (Federal Ləzgi Milli-Mədəni Muxtariyyəti) başçılıq edir, demaqoqluqla məşğul olur, erməni, türk və qərb xüsusi xidmət orqanları ilə sıx əlaqəli şəxsi biznesini inkişaf etdirir. Bunları əllərində yüzlərlə günahsız insanların və uşaqların qanı olan şəxs edir.

AMEA-nın doktorantı, siyasi icmalçı Rizvan Hüseynovun sözlərinə görə, Arif Kərimov nə Azərbaycanda, nə də Rusiyada nüfuzlu şəxs olmayıb. Hüseynovun bildirdiyi kimi, Kərimovun fəaliyyəti anti-azərbaycan çağırışları, erməni xüsusi xidmət orqanları ilə birbaşa əlaqə və Rusiyada partlayışların təşkilindən ibarət olub. Politoloq hesab edir ki, A.Kərimov daim Ermənistana səfərlər edir, Yerevandan pul və təlimatlar alır və ona əmr edilənləri danışır.

Məhərrəmkənd sakini Stanislav Velibekovun öz məktubunda qeyd etdiyi kimi, Kərimovun təşkilatı ictimai əhəmiyyətli problemlərin həllindən uzaq olan, olduqca şəxsi (maddi və karyera) mənafelər güdür.

Arif Kərimovun tərcümeyi-halına nəzər yetirmək olar. O, 5 may 1952-ci ildə Azərbaycan SSR-nin Vartaşen rayonunun Tərkeş kəndində anadan olub. S.M.Kirov adına Bakı Dövlət Universitetinin Filologiya fakültəsini bitirib. 1997-ci ildə Dağıstan Respublikasının ərazisində ictimai təşkilat yaradıb, Rusiyaya köçüb və Rusiya vətəndaşlığı alıb.

Kazım Sefikuliyev bildirir ki, təşkilatın üzvlərindən aldığı məlumata əsasən, Arif Kərimov oğulları Turan, Tokay və Tural Kərimovlarla birlikdə əllərində olan “NAFTAQAZ” SC-nin aktivlərini sataraq, Avropaya köçməyi, orada isə türk, erməni, qərb xüsusi xidmət orqanları ilə əməkdaşlıq etməyi, Rusiya əleyhinə təxribatlar törətməyi, Rusiya və Azərbaycanın maraqlarına qarşı fəaliyyət göstərəcək yeni silahlı qruplaşmalar yaratmağı planlaşdırırlar.

Kazım Sefikuliyev internetdə video-müraciətini yerləşdirərək, Arif Kərimova qarşı ciddi araşdırma aparılmasını xahiş edir və bildirir ki, bütün qurumlarla: RFİK (Rusiya Federasiyası İstintaq Komitəsi), RF Baş Prokurorluğu, RF FTX (Federal Təhlükəsizlik Xidməti) ilə əməkdaşlıq etməyə və əlində olan bütün sənədləri təqdim etməyə, həmçinin Arif Kərimov Rusiya sərhədlərini həmişəlik tərk etməmiş ona qarşı ifadə verməyə hazır olan bütün şahidlərlə görüşlər təşkil etməyə hazırdır.

Sefikuliyev doğru danışır, ya yalan, hər halda, belə bir bideo-müraciət üçün müəyyən qoçaqlıq tələb olunur. Belə, ya elə, Sefikuliyev Kərimov barəsində bir daha düşünmək üçün səbəb yaradır. Lakin əlbəttə ki, bu və ya digər şəxsin günahkarlıq dərəcəsini yalnız məhkəmə müəyyən edə bilər.


Şərhlər