URBAN.AZ

URBAN.AZ

Zabrat qəsəbəsində böyüklər və 18 yaşadək uşaqlar üçün "Sığınacaq və bərpa mərkəzi" açıldı.

URBAN sığınacağın ilk ziyarətçilərindən olan Nata Katamadzenin şərhlərini və fotolarını paylaşır.

Bu gün mən orada oldum və biz qəyyumu olduğumuz Romanı ziyarət etdik. Söz yoxdur, mərkəz olduqca mükəmməldir, korpuslar müasir, otaqlar rahat, mərkəzi isitmə sistemi, zəif görənlər üçün xüsusi cığırlar və lövhəciklər var. Mərkəzdə yaşayan bütün insanlar üçdəfəlik qidalanma (həftəlik menyularında ət, balıq, tərəvəz var), geyim, gigiyena vasitələri ilə təmin olunublar.

Həkim kabineti fəaliyyət göstərir, oftalmoloji avadanlıqla təchiz olunmuş otaq, massaj otağı var, həmçinin mərkəzin psixoloqu hər kəsi dinləməyə hazırdır.

Nərd, dama, şahmat oynamaq istəyələr üçün oyun otaqları açıqdır. Ərazidə idman zalı, trenajorlar və hovuz fəaliyyət göstərir. Təmizlik idealdır! Hər 5 nəfərdən ibarət qrupun supervayzeri qrup üzvlərinin məişət problemlərini həll edir. 

Mərkəzin hüquqşünası isə reabilitanltları hüququ yardımla təmin edir. Mərkəzin direktoru Çingiz Əhmədov bizi mehribancasına qarşılayıb, bütün suallarımıza ətraflı cavab verdi, Mərkəzin fəaliyyəti haqda danışdı.

Mən istədiyim zaman Mərkəzdə yaşayan insanları ziyarət edə bilərəm. Əgər mənə kimsə qoşulmaq istəsə, şad olaram.

Evsizlər sığınacağında kimisə yerləşdirmək üçün:

  • Müvafiq dispanserlərdə infeksion və psixi xəstəliklərin olmamamsı haqda arayışlar alın;
  • Həmin arayışları İcra hakimiyyətinin rayon söbəsinə təqdim edin. İH nümayəndələri həmin arayışları Əmək və əhalinin sosial müdafiəsi nazirliyi nəznindəki Fonda yönəldəcəklər;
  • Qeydiyyata düşmə və Zabrata köçmə tarixi qeyd olunan cavab məktubunu gözləyin.

Əlaqə nömrəsi: +99412 434 60 18 (operatordan sizi sığınacağın fəaliyyəti ilə məşğul olan şöbə ilə birləşdirməsini xahiş edin).


Şərhlər