URBAN.AZ

URBAN.AZ

İtaliya təhsil sərgisi olan "İTALİYADA TƏHSİL AL! STUDIARE İN ITALIA" 6-cı dəfə Rusiya, Qazaxıstan, Azərbaycan və Gürcüstanda keçiriləcəkdir

Rusiya, Qazaxıstan və Azərbaycan ilə İtaliya mədəniyyətlərarası əməkdaşlığı çərçivəsində ənənəvi olaraq baş tutacaq tədbir 2017-ci ilin payızında keçiriləcəkdir. Müxtəlif proqramları və tədris səviyyələrini təmsil edən ən yaxşı italyan təhsil müəssisələri bir məkanda toplanacaqdır. Sərgi Gürcüstanın paytaxtında ilk dəfə təşkil ediləcəkdir.

İtaliyada təhsil üzrə hər il müxtəlif şəhərlərdə keçirilən yeganə iri miqyaslı tədbir, bu il Almatıda başlayacaq, Bakıda, Moskvada və Tiflisdə davam edəcək və Sankt-Peterburqda yekunlaşacaqdır.

Azərbaycan paytaxtında sərgi oktyabrın 21-də Hyatt Regency otelində keçiriləcəkdir. Tədbirdə İtaliyanın Azərbaycandakı fövqəladə və səlahiyyətli səfiri Augusto Massari da iştirak edəcək.

Bu tədbirin əsas məqsədi – İtaliyada təhsilin mövcud imkanları barədə məlumat vermək və müxtəlif təhsil müəssisələrini eyni bir məkanda toplamaqdan ibarətdir. Mövcud olduğu bütün dövr ərzində sərgidə İtaliyanın 60 müxtəlif istiqamətli ali məktəbi iştirak etmişdir; sərgini təqribən 13000 tələbə və onların valideynləri ziyarət ediblər.

Sərginin əsas zalında tamaşaçılar təhsil müəssisələrinin nümayəndələri ilə birbaşa ünsiyyət qura biləcəklər: onlar universitetlərə qəbul qaydaları və təhsil haqqları barədə məlumat ala və həmçinin İtaliyada təhsil və həyat səviyyəsi ilə bağlı onları maraqlandıran suallara cavab tapa biləcəklər. Bundan başqa, qonaqları həmçinin zəngin təqdimat proqramı da gözləyir. Moda və dizayn sahəsində təhsillərini davam etdirmək və ya bu istiqamətdə təhsil almaq istəyənlər Istituto Marangoni, Istituto Carlo Secoli və Polimoda kimi adlı-sanlı məktəblərin təqdimatında iştirak etmək imkanı əldə etmiş olacaqlar. Memarlıq və mühəndislik ixtisasına maraqlı olanlar Politecnico di Milano institutunda təqdim edilən geniş ixtisas seçimi barədə məlumat ala biləcəklər, təqdimatda həmçinin incəsənət və yaradıcılıq ixtisaslarının pərəstişkarları üçün Roma gözəl sənətlər akademiyası – RUFA (Rome University of Fine Arts) təqdimat təşkil edəcəkdir.

İqtisadiyyat, menecment və biznes istiqamətində təhsil imkanı təqdim edən ESCP Europe, MIP Politeсnico di Milano, Università Luigi Bocconi kimi İtaliyanın aparıcı biznes məktəblərini təmsil edən nümayəndələr bakalavr, magistr təhsili barədə həmçinin yalnız tələbə auditoriyası üçün deyil, həm də müəyyən peşəkar təcrübəyə malik mütəxəssislər üçün də nəzərdə tutulan MBA proqramları və birillik proqramlarda təhsil imkanları haqqında ziyarətçiləri məlumatlandıracaqlar.

Roma, Milan, Florensiya, Venesiya, Piza, Siena və digər İtaliya şəhərlərin təmsil edən geniş profilli universitetlər ziyarətçilər üçün zəngin seçim imkanı yaradacaqdır. Linqvistika, sosial elmlər, tibb, fəlsəfə, riyaziyyat, informatika fakültələrinə daxil olmaq barədə məlumatları Università di Roma Tor Vergata, Università Ca’ Foscari, Università degli studi di Trento, Libera Università di Lingue e Communicazione, Tuscany’s Universities: Università di Firenze, Siena, Pisa, Università per stranieri di Siena, Scuola Superiore Sant'Anna – Pisa, Scuola Normale Superiore – Pisa ali məktəblərinin təqdimat mərasimlərində əldə edə biləcəklər.

Təşkilatçılar: Təhsil sahəsində START! agentliyi Avropa ali məktəblərinin Rusiya və MDB-dəki rəsmi nümayəndəliyinin STUDIES & CAREERS dəstəyi ilə.

İştirakçı universitetlərin siyahısı www.study-italy.ru saytında yenilənir.

Qeydiyyat və məlumat

Sərgiyə giriş pulsuzdur.

www.study-italy.ru. Saytında öncədən qeydiyyatdan keçmək lazımdır.

Sərginin proqramı:

BAKI: 21 oktyabr 2017
Keçirilmə yeri: Hyatt Regency Baku
Sərginin açılışı: 14.00
Sərginin iş vaxtı: 14.00 - 18.00

Suallar və əməkdaşlıq üçün: v.brandina@startagency.ru


Şərhlər