URBAN.AZ

URBAN.AZ

Adama elə gəlir ki, yeni mebel seçmək ən zövqverici işlərdən birirdir: gəzirsən, baxırsan, xoşuna gəlir - alırsan, xoşuna gəlmir - yenisini axtarırsan. Amma əslində, hər şey göründüyü kimi asan deyil, ələlxsus, söhbət uşaq mebelindən gedirsə.

Uşaq otağı maksimal dərəcədə təhlükəsiz olmalıdır. Elə bu səbəbdən də mebelin bütün hissələrinin ekoloji cəhətdən yararlılığı, iti künclərinin, şüşə əlavələrin və digər zədələyici elementlərin olmaması əsas şərtlərdəndir.

Bununla yanaşı, otağın ölçüləri ilə mebelin ölçüləri arasında mütənasiblik yaranmalıdır ki, hətta uşağa oyun üçün yer də qalsın. 

Daha bir vacib faktor ətraf mühitin uşağın psixikası və onun şəxsiyyət kimi formalaşmağına təsiridir. Əgər övladınız hər şeyi analziz etməyi və qiymətləndirməyi bacarırsa, özünün zövqü və fikirləri varsa, hər bir mebel hissəsinin seçimində onun fikrini də nəzərə almanız vacibdir, digər halda, otaq onun üçün rahat ve komfortlu olmayacaq.

Bəs belə olan təqdirdə uşaq otağı üçün rahat, praktik, əlvan və təhlükəsiz mebeli haradan əldə etmək olar?

URBAN  sizə  Bakıda olan TOP-5 mağaza təqdim edir.

 

"FLEXA" mebel mağazası

Uşaq mebeli üzrə ixtisaslaşmış FLEXA mebel mağazası və  “FLEXA” mebel şirkəti skandinaviya tərzi üzrə interyer problemləri ilə məşğul olan şirkətlərdən biri olmaqla, 1972-ci ildə Danimarkada yaradılmışdır.  Təsis olunduğu ilk günlərdən bu şirkət yeni doğulanlar, uşaq və yeniyetmələr üçün kompleks mebel dəstləri istehsal edir. FLEXA mebel dəstləri ekoloji cəhətdən təhlükəsiz  materiallardan hazırlanır. Şirkət münasib qiymətə funksional interyer yaradır. 

Bugünki gündə FLEXA Baku məhsul çeşidlərinə aşağıdakılar aiddir:

- Yenidoğulanlar üçün yataqlar;

- Uşaq və yeniyetmələr üçün yataqlar;

- Matraslar;

- Dolab və komodlar;

-Masa və stullar;

- Aksesuar və interyer üçün tekstil detalları.

Bundan başqa, Flexa-nın Bakı filialında  mütəmadi olaraq  təsviri və kulinariya üzrə (kapkeyk, sabun bişirilməsi və dekupaj) master-klasslar keçirilir.

Mağazanın adresi: Xətai rayonu, Babək prospekti  2199-cu kvartal.

İş rejimi: hər gün səhər 10:00-dan 19:00-a qədər.

Sayt: flexabaku
Facebook: FLEXA BAKU 
Telefon: +99450 242 36 77, +99412 514 78 84 

ÇİLEK uşaq mebeli

ÇİLEK mebel fabriki 1995-ci ildə Türkiyədə fəaliyyətə başlamışdır. Hal-hazırda bu şirkətin dünyanın 60-dan çox ölkəsində mağazaları mövcuddur. ÇİLEK uşaq mebeli bütünlükdə alman keyfiyyət və təhlükəsizlik  sertifikatı əsasında italiya dizaynerləri tərəfindən  Herşprunqda istehsal olunur.

ÇİLEK uşaq mebeli 3 əsas yaş kateqoriyasına bölünür:

- Baby Rooms –körpələr üçün mebel;

 - Kids Rooms -3-12 yaş arası uşaqlar üçün mebel;

 - Teen Rooms –yeniyetmələr üçün mebel.

ÇİLEK mebel şirkəti müxtəlif tərzlərdə istehsal olunur: monoxrom klassik tərzdən modern maşın - yataqlara qədər.  Mebelin hazırlanmasında yüksək keyfiyyətli hipoallergen metriallardan istifadə olunur.

Mağazanın ünvanı: Xətai rayonu, Babək prosoekti, 2199-cu кvartal.

Ünvanların tam siyahısı: BURADA

İş rejimi: hər gün 10:00 - 19:00
Sayt: cilek.com
Facebook: Cilek genc mebel
Telefon: +99412 514 79 87

Embawood

1996-cı ildən fəaliyyəta başlayan EMBAWOOD şirkəti hal-hazırda Cənubi Qafqazın: Azərbaycan, Gürcüstan, Qazaxstan, Qırğızıstan, Türkmənistan, İran və Rusiyanın aparıcı mebel şirkətlərindən birinə çevrilmişdir. Xammal, material və aksesuarlar isə dünyanın aparıcı ölkələrindən gətirilir.

Mağazanın ünvanı: Bəsti Bağırova, 15 В
İş rejimi: bazar ertəsi-cümə 08:30-dan 17:30-a kimi
Sayt: Embawood
Facebook: Embawood 
Telefon: +99412 436 74 05, (012) 436 74 07 (08, 09, 10, 11, 15, 16, 17)
 
KESSA Kids & Young

Kessa şirkəti 2003-cü ildə Ankara şəhərində Arche adlı müasir mebel dükanını açdı.avanqard tərz mebelləri sevən insanlar üçün 2007-ci ildə “Mozen” mebel salonu açıldı. Sayca üçüncü mağaza 2011-ci ildə açıldı. Bu dəfə Kessa şirkəti Azərbaycanda ilk dəfə olaraq “romantik barokko” tərzində mebel dəstləri təqdim etdi.

Kessa VIVEROKIDS  həm italiy , həm də türk istehsalı olan mebellərin satışını gerçəkləşdirir. “Ən vacib balaca insanlar” üçün mebellər isə təhlükəsiz materiallardan istehsal olunur.

 

Ünvan: Həsən Əliyev küçəsi, 63
İş rejimi: hər gün 10:00 - 19:00
Sayt: Kessa
Facebook: KESSA Kids & Young
Telefon:
+99412 564 93 05, +99455 566 93 05
Gautier Mebel
 

GAUTIER fransız markasının  Azərbaycanda rəsmi nümayəndəsi. Bu brend yarım əsrdən çoxdur ki fəaliyyət göstərir və Fransanın ən məşhur brendləri sırasında yer alır.  Gautier  1958-ci ildən bu günümüzədək dizayn müxtəlifliyi, keyfiyyətə nəzarəti və satışdan sonrakı xidmətləri ilə fərqlənir. Mətbəx, yataq, qonaq və uşaq mebel dəstlərinin istehsalından başqa, Gautier öz müştərilərinə ev tekstili və aksesuarlar  da təqdim edir.

Bu mağazada siz hər zövqə uyğun

- divan-kreslo dəstləri,

- bir və iki nəfərlik yataq dəstləri,

- dolab və divar şkafları da əldə edə bilərsiniz.

Mağazaların ünvanları:

1. Nəsimi rayonu,  Cəlil Məmmədquluzadə küçəsi 9/98. Telefon: +99412 514 54 44, +99455 230 91 84

2. Xətai rayonu Babək prospekti 1126-cı kvartal. Тelefon: +99412 464 16 48, +99455 525 26 55. 

İş rejimi: həftə içi hə gün saat 10:00-dan   19:00 – a qədər.


Sayt: Gautier
Facebook: Gautier Mebel

Mebel seçimi edərkən övladlarınızla məsləhətləşməyi unutmayın. Ekoloji cəhətdən yararlı, keyfiyyətli və dözümlü məhsullara üstünlük verin. Axı bu mebellər övladlarınızın hər cür oyunlarına dözməli və onların bu və ya digər şəkildə zədə və travma almasına səbəb olmamalıdır.

Gözəl alış-verişlər!


Şərhlər