Təhsil Nazirliyi tərəfindən hazırlanan elektron dərslik portalı veb saytlar sıralamasında son bir ay ərzində 80 pillə irəliləyərək  51-ci yerdə qərarlaşmışdır.

Sentyabr ayında portalı ziyarət edənlərin sayı 332 130-a, səhifələrə ümumi baxış sayı isə 2 748 408-ə çatmışdır. Bu ilin ilk 9 ayı ərzində elektron dərsliklər portalını ziyarət edənlərin sayı 1 754 280, səhifələrə ümumi baxış sayı isə 14 625 792 olmuşdur.

Hazırda məzmun və dizayn üzrə təkmilləşdirilmiş elektron dərsliklərin dərc edilməsi prosesi davam edir. Portalda Azərbaycan və Rus bölmələri üçün mövcud olan bütün 2-ci sinif dərslikləri, eləcə də hər iki bölmənin 3-cü sinif dərsliklərinin 7-si artıq dəyişdirilmişdir.

Yenilənmişdirilmiş dərsliklərin sayı 22-dir.

Portalda cəmi 255 elektron material, o cümlədən 231 elektron dərslik, 22 tədris vəsaiti və 2 dərsdənkənar material var.

Bəs siz dərsliklərin elektron versiyalarına keçid barədə nə düşünürsünüz?