URBAN.AZ
URBAN.AZ

Telegram Banner

Beləliklə, bu gün şənbədi. Necə istirahət edək? Bakının bütün hadisələri URBANda!

 

Şənbə

Günü ISR Plaza-da keçirilən tətbiqi sənət ustalarının əl işlərindən ibarət "Yeni 2015-ci ili qarşılayırıq" yarmarkası ilə başlaya bilərsiniz. Eyni zamanda Müasir İncəsənət Muzeyindəki E•phem•er•a sərgisini də ziyarət edə bilərsiniz. 

Axşam Four Seasons otelinin Rast zalında 8-14 yaşlı uşaqlar özlərini "Xoqvards" məktəbinin şagirdləri kimi hiss edəcəklər. Burada "Harri Potter" Yeni İl şənliyi keçiriləcək.

Həmin axşam Heydər Əliyev Mərkəzində Vaxtanq Kikabidzenin konserti olacaq. Gözəllik sərraflarını ikiqat bayram gözləyir: "Günahsızların yaradıcılıq evi" teatrının qastrolları və Rossininin "Sivilya bərbəri" operası.

Gecə isə Pasifico - Lounge & Dining-də  DJ Eskei83 musiqiləri ilə rahatlana biləcəksiniz.

 

Bazar günü

Gündüz ilk xeyriyyə sərgisi olan Exlusive Bazaar-ın açılışı olacaq. Sərgi yerli dizaynerləri dəstəkləmək məqsədi daşıyır. Qonaqlar dizaynerlərin öz əlləri ilə hazırladıqları geyim, aksessuar nümunələri, rəsm əsərləri və interyer üçün bəzək elementləri ilə tanış ola biləcəklər.

Axşamın başlanğıcını Park Bulvardan "Qış surprizləri" ilə aça bilərsiniz. Opera və Balet Teatrının səhnəsində isə "Suvar" ləzgi ansamblının konserti keçiriləcək.

Daha gec bizi Opera Sky-da DJ Mot gözləyəcək. Onu DJ SHOCK və DJ TIM müşayət edəcəklər. Ottoda isə reper Okaberin çıxışı olacaq.

Gözəl və maraqlı istirahətlər!

 

 


Şərhlər