Dekabrın 3-ü Fantanlar Meydanında "Nargis" nəşriyyat evinin təşkil etdiyi "Soyuq əllər - isti ürək: Qış möcüzəsi" adlı xeyriyyə yarmarkası açılıb.

Şoumen Murad Dadaşov və "Nargis" jurnalının başredaktoru Ülviyyə Rəhmanova yarmarkanı açıq elan ediblər. Qonaqların qarşısında Miri Yusif, Cupa Saks qrupu, Yeganə Ağayeva, Çingiz Mustafayev, Rilaya, Sevda Yəhyayeva və Zamiq çıxış ediblər.

Adəti üzrə, yarmarkadan yığılan məbləğ Buzovna qəsəbəsindəki qocalar evinə göndəriləcək və ağır xəstəliklərdən əziyyət çəkən uşaqların müalicəsi üçün istifadə olunacaq. "Nargis" nəşriyyat evi belə xeyriyyə aksiyasını ilk dəfə keçən il təşkil etmişdir.

Qeyd edək ki, yarmarka 2015-ci il yanvarın 4-nə kimi davam edəcək. Şəhərimizin sakinlərini və qonaqlarını müxtəlik hədiyyələr, şou-proqram və s. gözləyir. Fantanlar Meydanında həmçinin, yeni ilin əsas simvolu olan 22 metrlik küknar ağacı da quraşdırılıb. Mütləq bu yarmarkanı ziyarət etmək və şəkil çəkdirmək lazımdır. Unutmayın: yarmarka xeyriyyə məqsədi daşıyır.