URBAN.AZ
URBAN.AZ

Telegram Banner

23 və 24 noyabr tarixlərində Pullman Baku otelində "Dost axtarılır 3" xeyriyyə yarmarkası keçiriləcək.

“Nuh Gəmisi” adlı heyvan sığınacağı Urban.az şəhər onlayn-jurnalı və Pullman Baku oteli ilə birlikdə bu həftəsonu xeyriyyə yarmarkasını təşkil edir. Tədbirdə öz qəyyumluğu altında olan heyvanlarla birlikdə bir neçə evsiz heyvan sığınacağı, o cümlədən IDEA Animal Care Center, “ПОМОЩЬ БЕЗДОМНЫМ ЖИВОТНЫМ” və Baku Street Dog Rescue iştirak edəcək.

Yarmarkaya niyə gəlməli?

1-ci səbəb

Ailənizlə birlikdə gəlin – siz istirahət edəcək və tədbirin dördayaqlı qonaqları ilə ünsiyyət qura biləcəksiniz. Bundan əlavə, siz, həmçinin bəyəndiyiniz ev heyvanını öz evinizə də apara biləcəksiniz. Heyvanlar tamamilə pulsuz təqdim olunacaq. 

2-ci səbəb

Tədbir çərçivəsində əl işləri sənətkarlarının yarmarkası keçiriləcək. Siz özünüzü və yaxınlarınızı qeyri-adi hədiyyələr, incə bəzək əşyaları və əldə hazırlanmış suvenirlərlə sevindirə biləcəksiniz. Qarşıdan yeni il gəlir – hazırlığa indidən başlayın.

3-cü səbəb

Uşaqlar üçün şüşə rəngləmə texnologiyasından istifadə edərək müxtəlif formalarda maqnitlərin və yolka oyuncaqlarının hazırlanması mövzusunda master-klass keçiriləcək. Sizə şüşə formalarını seçmək imkanı verilir: kiçicik yolkalar, qar dənələri, sırsıralar, evciklər və 2020-ci ilin simvolu sayılan siçan. Materiallar hər bir uşağa fərdi qaydada verilir.

Bonus:

Qonaqları meyvə şirələri və şirniyyatlar gözləyir. Əl işləri və şirniyyat satışından əldə olunan gəlirin bir hissəsi evsiz heyvanlar üçün sığınacaqların saxlanmasına gedəcəkdir. 

Bizə dəstək və evsiz heyvanlara kömək olmağa, eləcə də əylənməyə gəlin.

Nə vaxt: 23-24 noyabr, saat 12:00-dən  18:00-dək
Harada: Pullman Baku
Giriş: pulsuzdur; pulsuz dayanacaq və Wi-Fi

Bu, maraqlıdır: "Dost axtarılır 2" tədbiri necə keçdi? Fotoreportaj


Şərhlər