URBAN.AZ
URBAN.AZ

Telegram Banner

DEJA VU Eldar Əkbərovun foto kitabının təqdimatı

26 may 2015 / 19:00 – 26 may 2015 / 21:00

Alman-Azərbaycan Mədəni Cəmiyyəti Kapelhaus

“Gördükləriniz realdır, amma yalnız görmə duyğunuzun imkan verdiyi səviyyədə. Yeni dərketmə yollarını inkişaf etdirməklə realığınızı genişləndirə bilərsiniz.”
(Vin Ballok)

Eldar Əkbərov DEJA VU foto-kitabını təqdim edir. Bəzi şəkillərə baxıb deja vu hissini keçirərkən, o, birdən-birə həyatının 2012-2014-cü il arasında olan müddətini sənədləşdirməyi qərara aldı. Öz təqdimatı vasitəsi ilə o, əldə etdiyi bilik və yaradıcılıq anlayışına əsasən düşüncələrinin quruluşunu göstərəcək. Kitabdakı şəkillər axtarışdır, fərqli yol, bizi əhatə edən dünya haqqında düşüncələri, özləri danışan əşyaları, yanımızdan keçib gedən insanları görmək cəhdidir. Təqdimat şəkillər dünyasında ona baxanları indiki və keçmiş təcrübələrə səfərə aparacaq.

Eldar Əkbərov 1968-ci ildə Bakıda anadan olub. O, Azərbaycanda və xaricdə bir çox sərgilərdə iştirak edib, məsələn: “Azərbaycan foto-obyektivlərdə”, London 2012; “Daxili görüntülər”, Moskva 2014 və Minsk 2015. Onun şəkilləri 2012 “London-Bakı Jurnalı”nda və digər jurnallarda dərc olunub.


Şərhlər