URBAN.AZ
URBAN.AZ

Telegram Banner

2023-cü il mart ayının 7-də “Buta Palace”da biznes sahəsində 2022-ci ilin yekunları üzrə “Azeri Business Award” Milli mükafatının təqdimetmə mərasimi keçirilmişdir.

“Ticari və iqtisadi əlaqələrin inkişafına verdiyi töhfəyə görə” əsas mükafata Gürcüstanın Azərbaycan Respublikasındakı Fövqəladə və Səlahiyyətli səfiri Zurab Pataradze layiq görüldü. Qonaqlar arasında Moldova, Belçika və Rumıniya səfiri daxil olmaqla digər ölkələrin də diplomatik nümayəndələri iştirak edirdilər.

Tədbirdə ümumilikdə dövlət qurumlarının, aparıcı şirkətlərin nümayəndələri, yüksək səviyyəli menecerlər, iqtisadiyyatın müxtəlif sahələrindən olan təmsilçilər, xarici qonaqlar və KİV nümayəndələri də daxil olmaqla 250 nəfər iştirak edirdi.

Bütün laureatlar iqtisadiyyatın qeyri-neft sektorunun nümayəndələridir – tibb, tikinti sahəsi, logistika, quşçuluq və s.

“Azeri Business Award” mükafatının partnyorları “Avtolüks Azərbaycan” MMC və “Faberlic” brendi, tədbirin dost şirkətləri isə “Ganja Sharab”, “Hillside”, “Kobi Sno”, “Alison’s Atelier”, “NS design”, “Bizon”, Art Gallery by Rauf Janibekov və “King’ Style” Tie & Parfum idi.

“Buta Palace”da təşkil edilən mükafat mərasimindən əvvəl “Azeri Business Award” mükafatına laureat şirkətlərin mal və xidmətlərinin təqdimat mərasimi təşkil edildi.

Bundan başqa "Azeri Business Award” mükafatının partnyoru “Avtolüks Azərbaycan” MMC  tamamilə yenilənmiş Jeep Grand Cherokee avtomobilinin təqdimatını keçirdi.

Bu axşam qonaqlar və mükafatçılar canlı musiqi ifasından da məmnunluq hissi duydular.

“Azeri Business Award” 2022 mükafatının laureatları

Zurab Pataradze, Gürcüstanın Azərbaycan Respublikasındakı Fövqəladə və Səlahiyyətli səfiri – Ticari və iqtisadi əlaqələrin inkişafına verdiyi töhfəyə görə

Rübabə Mürşüdova, “Qranit QP” şirkətinin rəhbəri – Dağ-mədən sahəsində ilin iş adamı

Günel Bayramlı, plastik və estetik cərrah – Plastik-estetik cərrahiyyəsi sahəsində əldə etdiyi yüksək nəticələrə görə

Camal LTD, “İceland” brendi – Dondurma istehsalı sahəsinin lideri

SƏBA ASC – İlin quşçuluq şirkəti

Biləsuvar Aqro – Süd məhsulları və kərə yağı istehsalı sahəsində ilin şirkəti

FAB Boya və Kimya Sənayesi – İlin keyfiyyətli boya istehsalçısı

Crystal Beton – İlin beton istehsalçısı

Milli İdman Tibb və Reabilitasiya Elmi-Praktiki İnstitutu (MİTRİ) – Tibb və reabilitasiya sahəsində əldə etdiyi yüksək nəticələrə görə

Voltaj Elektrik Quraşdırma və Təmir Tikinti – Keyfiyyətli tərəfdaş

LV Caspian Limited – İlin logistika şirkəti

ByCafeCity, restoranlar şəbəkəsi – Müştəri seçimi

AZPRINT – İlin mətbəəsi

KATV1 – İlin kabel televiziyası operatoru

İydə Perfumery – İlin parfümeri

Bakı OTIS Lift – Sərnişin və yük lift avadanlıqlarının satışı, quraşdırılması və servisi sahəsinin lideri

Azərtac Dövlət İnformasiya Agentliyi – İlin informasiya agentliyi

 

Tədbirin informasiya tərəfdaşları arasında – Azərtac, İnsider.az, Report.az, Urban.az, Marja.az və Rockvell da var.


Şərhlər