Akademik Həsən Əliyev adına Zəngəzur Milli Parkında iki bəbir balası görüntülənmişdir.

Həmin kadrlar 2019-cu ilin noyabr və dekabr aylarında Azərbaycan Ekologiya və Təbii Sərvətlər Nazirliyi, IDEA ictimai birliyi və Ümumdünya Təbiəti Mühafizə Fondunun (WWF) birgə layihəsi çərçivəsində qurulan foto / video tələlərin köməyi ilə əldə edilmişdir. Layihə bəbir populyasiyasının bərpa edilməsi məqsədini daşıyır.

Son illərdə Zəngəzur Milli Parkında altı bəbir balası görüntülənmişdir. Bu fakt bu nadir fauna nümayəndələrinin populyasiyasının artmasının göstəricisidir.

2012-ci ildən aparılan monitorinq zamanı Zəngəzur Milli Parkında indiyədək 13, Hirkan Milli Parkında isə 9 bəbir qeydə alınmışdır.