“Dolby Sorround EX” elektroakustyika sistemi və ən yeni proyeksion avadanlıqla təchiz olunmuş Park Cinema dünya standartlarına uyğun olaraq, ümumi sahəsi 1300 kv.m olan, 789 yerlik 6 zaldan ibarətdir. Zallardan biri VİP zaldır. Sahəsi 150 kv.m, 33 nəfərlik oturma yeri, yüksək rahalığa malik kreslolar, personal masalarla təchiz olunub.  Digər 5 zal, hər biri müasir oturacaqlarla təchiz olunmuş ekonom sinfi zallardır. Zalların 3-ü 3D formatlı filmlərin nümayişi üçün yararlıdır.

Kinoteatrın üstünlükləri şəhərin mərkəzində yerləşməsi, rahat trafiki və Park Bulvar TƏM-in çoxsaylı əyləncələridir. Kinoteatrın divarları daim yeni filmlərin treylerləri və musiqi klipləri nümayiş olunan ekranlarla təchiz olunub. Əlavə olaraq, biletlərin sayt vasitəsilə alınması və bron edilməsi xidmətləri mövcuddur. Korporativ müştərilər üçün şirkət əməkdaşlarının qonaq ola biləcəyi zalın icarəsi mümkündür.