URBAN.AZ

URBAN.AZ

Dünya futbolunun ən böyük “futbolçu istehsalçıları”ndan sayılan Portuqaliyanın “Porto” klubunda tanınan Halk Avropaya gəlməmişdən qabaq Uzaq Şərqdə top qovurdu. 2005-ci ildə Yaponiyaya üz tutan hücumçu 3 ildə 3 müxtəlif klubun şərəfini qorudu. Sonuncu iş yeri paytaxt Tokionun ”Verdi” klubu olan futbolçu 2008-ci ildə Cənubi Avropaya üz tutdu. Daima dünya futboluna ulduz futbolçu bəxş edən “Porto” Halkı da öz sıralarına “Verdi” klubunda 55 matçda 45 qol vuran Halkın transferi portuqaliyalılara 5 milyona başa gəldi.

Düzdür, bu bir az qəliz məsələ kimi görünsə də, “Porto”ya gələrkən heyətdə Quarin, Belluşçi, Falkao, Moutinyo, Hames Rodriqez, Raul Meyreleş, Mariyano Qonzales kimi futbolçularla mübarizədə böyük müvəffəqiyyət əldə edən sambaçı hücum xəttində kolumbiyalı qoleador Falkao ilə birlikdə möhtəşəm “cütlük” yaratdılar.

2009-cu ildə liqada 3-cülüklə kifayətlənən “Porto” öz ənənəsinə sadiq qaldı və Luço Qonzales, Lisandro Lopez, İbson, Ali Sissokodan, ümumilikdə 62 milyon avro qazansa da, Halkı satmağı özünə rəva bilmədi. Liqanın bombardiri Falkao da satılmadı və baş məşqçi Xesualdo Ferreyranın vazkeçilməz futbolçularından biri olduqlarını sübut etdilər.

“Porto”da ilk qolu “Belesenşeş”ə təsadüf etdi. Sezon boyu Lisandro Lopez və Hames Rodriqezlə möhtəşəm kombinasiya yaradan futbolçu, Lopez getdikdən sonra Falkao ilə anlaşdı. Hücum xəttində Halkın təhlükəli cinah asmaları Falkaonun qoleadorluq keyfiyyətini artırmağa müvəffəq etdi.

2009-cu ildə avrikuboklarda da uğurla çıxış edən Halk, UEFA tərəfindən “ən yaxşı 10 gənc oyunçu” sıralamasında öz yerini tutdu.

Lakin bu uğura kölgə salan hadisə 2009-10 sezonunda baş verdi. Əzəli rəqib “Benfika” ilə matçda baş verən dissidentə adı qarışan futbolçu, 4 aylıq cəza aldı. Lakin sonradan federasiyanın amnistiyasına düşən sambaçının cəzası 4 matça endirildi. Cəzası bitər-bitməz meydanlara dönən Halk, “13-də 13” etdi; 13 matç və 13 qol. Orta hesabla, hər oyuna 1 qol. Həmin il “Avroliqa”da da özündən söz etdirən hücumçu Belçika klubu “Genk”lə matçda het-trik etdi.

Halkın karyerasında ikinci dönəm sayılan il 2012-ci ildi. 60 milyon avroya Rusiyanın “Zenit” klubuna transfer olundu. Əlbəttə bu transfer dünyada səs-küy yaratsa da, bir növ Halkın kölgədə qalması ilə qələmə alındı. Bəzi iddialara görə, İngiltərənin “Çelsi” klubuna transfer olunmalı olan futbolçu birdən-birə hamını şoka salaraq, “Zenit”ə üz tutdu. İllik məvacibi də pis deyildi, ilinə 6.55 milyon avro.

Rusiyaya ilk gəlişi rus futbolsevərlərində böyük həyəcan yaratsa da, klub daxilində bəzi futbolçuların narazılığına səbəb oldu. Düzdü, Halk Rusiyaya tək gəlməmişdi. Onunla birlikdə “Benfika”dan daima üzbəüz gəldiyi Aksel Vitsellə birgə transfer olunmuşdu. Hər iki futbolçuya ümumilikdə 90 milyon xərclənməsi, klubun yerli futbolçusu İqor Denisova təsir etmişdi. Daima Halkla ciddi mübarizə aparan Denisov, bu transferlərin lazımsız olduğunu bildirmişdi.

İlk günlərdə rus futboluna alışa bilməyən Halk, hal-hazırda Andre Villaş-Boaşın (“Zenit”in baş məşqçisi – red.) ən sevimli oyunçularındandı. Düzdü, futbolçunun transferini sabiq baş məşqçi, italyan Luçano Spalletti təklif etsə də, italyanı portuqal əvəz elədi və demək olar ki, kluba böyük uğur qazandırdı.

Yenicə bitmiş sezonda Rusiya çempionu olan “Zenit”də əsas pay sahiblərindən biri, sözsüz ki, Halkdır. Ən yaxın rəqibi “MOİK”i 5 xal qabaqlayan çempion olan “Zenit”də 15 qol vuran Halk özünü sübut etdi. Hal-hazırda klubun həm rəhbərliyi, həm də azarkeşləri tərəfindən sevilən sambaçının müqaviləsi 2017-ci ildə bitir.

Braziliya millisində də çıxış edən futbolçu, millinin formasını ilk dəfə 2009-cu ildə geyinib. 2012-ci ildə Olimpiya oyunlarında gümüş medal qazanan Braziliya millisində 5 oyunda 1 qol vuran Halk, turnirin ən yaxşı oyunçuları cərgəsində idi.

2013-cü ildə milli ilə birgə doğma ölkəsində keçirilən Konfederasiya kubokunu qazanan futbolçu, bununla da millidəki ilk rəsmi titulunu qazandı.

2014-cü ildə Braziliyada keçirilən mundialda da çıxış edən Halk, doğma ölkəsində keçirilən turnirdə çox uğursuz çıxış etdi. Yarımfinalda Almaniyaya (1:7), 3-cü yer uğrunda mübarizədə Hollandiyaya (0:3) məğlubiyyətdən sonra çox tənqid olundular. Lakin mundialdan sonra yenidən millinin sükanı arxasına keçən Dunqa Halka da dəvət göndərməyi unutmadı!!!

Şəxsi həyatına gəlincə evlidir və 2 övladı var. Hal-hazırda ailəsi birgə Sankt-Peterburqda yaşayan futbolçu, klubla müqaviləsini uzatmaq niyyətindədir.


Şərhlər