URBAN.AZ

URBAN.AZ

Cənubi Amerikada “futbol ölkəsi” dedikdə, sözsüz, ağıllara gələn ilk ölkə beşqat dünya çempionu Braziliyadı. Əlbəttə, bu danılmaz bir faktdı. Son illərdə göründüyü kimi, pentakampeonlar tənəzzül dövrünü yaşayırlar.

Braziliyanın əzəli rəqibi isə Argentina yığmasıdı. Argentina braziliyalılardan fərqli olaraq, iki dəfə (1978; 1986) dünya çempionu adına layiq görülüblər. Yığmanın tarixində Maradona, Valdano, Kempes, Passarella, Batista, Ruqyeri, daha sonralar isə Batistua, Orteqa, Krespo, Klaudio Lopez, Veron, Pokettino, Redondo, Simeyone, Ayala, Roa, Almeyda, Sensini, Delqado, Qalyardo kimi ulduz futbolçular yer alıb. Amma di gəl ki, son nəticədə yığma böyük uğurlardan məhrum qalıb. Yalnız keçən il keçirilən mundialda Almaniyay məğlub olaraq (0:1) ikinciliklə kifayətlənmişdilər.

Yığma tarixində 14 dəfə qitənin ən önəmli turniri sayılan və birbaşa dünya çempionatına vəsiqə verən “Kopa Amerika”da qalib olub. Bu reytinqdə isə argentinalılar Uruqvaydan geridə qalaraq, ikinci pillədədirlər.

Bütün bu uğurlar üçün tər tökən müəyyən futbolçular vardır ki, onlardan biri də “Batiqol” ləqəbli Qabriel Omar Batistutadır. Karyerası əsasən İtaliya “A seriyası” ilə bağlı olan qoleador, 12 il İtaliyada müxtəlif klublarda çıxış edib. 1990-cı ildə “Boka Xuniors”nı İtaliyanın “Fiorentina”sına dəyişən futbolçu, klubun ən pis vaxtına düşdü. Həmin il florensiyalılar “B seriyası”na düşdü. Lakin bundan imkan tapan paytaxt klubu “Roma”, 14 milyon avro müqabilində Batistutanı öz heyətinə qatdı.

“Roma” ilə ilk mövsümdəcə çempion olan “Batiqol” özündən söz etdirməyi bacardı. İlk mövsümdəcə 20 qol vuran futbolçu, tezliklə bütün Avropa klublarına maraq dairəsinə çevrildi. 3 il paytaxt klubunun şərəfini qoruyan qoleador, yaşlaşdıqca əsas heyətdən kənarda qalmağa başladı. 2003-cü ildə isə Milan şəhərinin digər təmsilçisi “İnter”ə icarəyə verildi. Heyətində Krespo, Rekoba, Martins, Kallon, Vyeri kimi hücumçular olan klubda, Batistuta cəmi 12 matçda forma geyinə bildi və cəmi 2 qol vurdu. O zaman 34 yaşını qeyd edən futbolçu, icarə müddəti bitər-bitməz, məxsus olduğu klubu “Roma”ya qayıtdı və müqaviləni qarşılıqlı olaraq, pozdu.

“Bati” isə boş durmadı. Qocaman futbolçu bu dəfə Asiyaya yollandı. Qətərin “Əl-Arabi” klubu ilə 2 illik müqavilə imzalayan forvard, illik 8 milyon avro məvacibə razılaşdı. Klubda 21 matçda 25 qol vuraraq, bir çox gənc futbolçulara örnək olan Batistuta, hətta İngiltərənin “Fulhem” klubu ilə keçirilən yoldaşlıq oyununda da fərqlənməyi bacarmışdı. 2005-ci ildə klubla müqaviləsini bitirən futbolçu 35 yaşında futbola vəda etdi.

Yığma karyerasına gəlincə, Batistuta hal-hazırda da Argentina futbol tarixinin ən bombardir futbolçusudu. Yığma tarixində 56 qolu olan futbolçunu, hal-hazırda “Barselona”nın superulduzu Messi izləyir: 45 qol. İlk üçlüyü isə 35 qolla Ernan Krespo qapayır. Yığmada ilk matçını 27 iyun 1991-ci il tarixində Braziliyaya qarşı keçirən hücumçu, ilk qolunu isə həmin ilin iyulunda Venezuelaya qarşı keçirilən matçda atmışdı. Ayrıca 3 fərqli mundialda qol vuran futbolçu, bu özünəməxsus rekordla da yaddaşlarda qalmaqdadı. Həmçinin FİFA tərəfindən a“yaşayan 125 ən yaxşı futbolçu” sıralamasında da öz yerini qoruyub saxlayıb.


Şərhlər