URBAN.AZ

URBAN.AZ

Səidə Muradova — yaradıcı layihələrin iştirakçısı, dizayner və topdan geyim satışı şirkəti olan White Crown Inc. sahibi baş üçün etnik üslubda ecazkar bəzək əşyaları hazırlayır.

Səidə Muradova həmişə bəzək əşyaları geyinməyib. O, Azərbaycanın Ermənistan tərəfindən zəbt edilmiş rayonlarından birində anadan olub, yüz minlərlə soydaşımız kimi öz evini tərk etmişdir. Uşaqlığını çadır şəhərciyində, ağır şəraitdə keçirib, yeniyetmə ikən ailəsi ilə birgə İsveçə, sonra isə moda dizaynının sirlərinə yiyələnmək üçün Parisə köçür.

Fransada təhsilini bitirən Səidə Nyu-Yorka, Parsons School of Art and Design kollecində oxumağa gedir. Bir müddət moda sahəsində çalışdıqdan sonra müstəqil iş həyatına başlamaq qərarı verir. Sonra Səidə özünün White Crow, Inc adlı şirkətinin əsasını qoyur. Şirkət dəbli geyimlərin topdan satışı ilə məşğul olur.

Eyni zamanda, azərbaycanlı xanım özünün bəzək əşyaları kolleksiyasını da yaradır.

 

Öz aksessuarlarını yaradarkən Səidə Muradova dünyanın bir çox xalqlarının bəzək əşyalarından ilham alıb, lakin rəssama ən çox təsir edən masai tayfaları olub.

Azərbaycanlı dizaynerin eskizləri əsasında dünyanın yeddi ölkəsində bəzək əşyaları hazırlanır. "Mən dünyanın bir çox ölkəsindən olan istehsalçılarla çalışıram. Öz işlərimdə müasir texnologiyalar, 3D-printerlər və lazer vasitəsilə, yüz illər boyunca tətbiq edilən metodları tətbiq etməyə çalışıram". - Səidə Muradova izah edir. 

Hal-hazırda rəssam xanım öz şirkətindəki işi ilə aksessuar istehsalını paralel olaraq davam etdirir. Bundan başqa o, məşhur Twentyfivehundred bloqunun müəllifidir. Öz işlərini Səidə Instagram səhifəsində paylaşır.


Şərhlər