URBAN.AZ

URBAN.AZ

Sizi deyə bilmərəm, mənim üçün vaxtımı ən gözəl keçirmək üçün hədiyyə - spa aləminə səyahətdir. Məhz səyahət. Çünki burada keçirdiyim bir neçə möcüzəvi saat məni sanki başqa kainata, başqa dünyalara aparır. Heç yerə tələsmək lazım olmayan, daim harasa tələsən, səs-küylü şəhərdə hisslərə qapanaraq, yenidən doğulmaq mümkün olan başqa bir aləm.

Bu yaz hələ yenicə başlayıb, mənim isə artıq iki spa səyahətim baş tutub. Həqiqətən də, ruhumuzu və bədənimizi yeniləmək üçün bahardan yaxşı zaman seçmək mümkün deyil. Kempinski Hotel Badamdar mart ayının 6-da İdeal mağazalar şəbəkəsinin əməkdaşlıq dəstəyi ilə otelin korporativ qonaqları üçün bayram axşamı təşkil etmişdi. 

Gözəl cinsin nümayəndələri bütün axşamı gözəl musiqinin sədaları altında, kokteyllər və qəlyanaltılardan həzz alaraq maraqlı ünsiyyətdə olur, həmçinin təqdim olunan parfüm və kosmetika yenilikləri ilə tanış olurdular. Yazın ilk həftəsinin yorğunluğunu çıxartmaq istəyənlər isə İdeal çirkətinin vizajisti və Kempinski The Spa-nın massaj xidmətlərindən yararlanırdılar.

Burada biz Kempinski Badamdar otelində müştərilərə təqdim olunan xüsusi aksiyadan xəbərdar olduq - mart ayı boyu iş günləri ərzində spa xidmətləri üçün xüsusi təklif keçərli olacaq.Bundan başqa, biz İdeal-dan dəyərli hədiyyələr aldıq və vaxtımızı çox gözəl keçirdik.

Belə bir fürsəti əldən vermək istəmirdim və artıq bazar ertəsi günü mən bu gözəl məkana geri qayıtdım. gecənin qonaqlarından birinin düzgün qeyd elədiyi kimi, bu spada hər şey xırdalığına qədər nəzərdə tutulub. Gülərüz personal, təbii güllər, xoş şərq ətirləri, sakit, qulağa yatımlı musiqi. Bütün bunlar baş verənlərə xüsusi anlam verir, hətta massaj proseduruna da. Ən sevdiyim məqam isə spa prosedurundan sonra Kempinski otelinin iri akvariumlu mərkəzi zalında istirahətdir. Həmçinin, arzu edənlər hovuz, sauna, fitnes-mərkəzin xidmətlərindən də istifadə edə bilərlər - hamısı qiymətə daxildir.

mütləq bu gözəlliyi hiss edin - başqa dünyaya səyahət edin. Martın axırına qədər siz bunu daha aşağı qiymətlərlə həyata keçirə bilərsiniz.


Şərhlər