URBAN.AZ

URBAN.AZ

Hər bir qız geyiminə uyğun bəzək əşyaları taxmaq arzusundadır. Amma bu, hər zaman mümkün olmur. belə ki, sonsuz sayda sırğa, boyunbağı və üzüklərə sahiblənmək mümkün deyil. Olsa da, bizə çox baha başa gəlir.

Amma təəssüflənməyə dəyməz. Hər zaman irəliyə gedən texniki tərəqqi bu dəfə bizim imdadımıza çatır. Bu yaxınlarda satışa xüsusi bilərzik çıxarılıb. Onun üzərindəki naxışlar bir anda proqramlaşdırıla və sizin telefonunuz tərəfindən idarə oluna bilər. 

Bilərziyin satışından varlanmaq arzusunda olan istehsalçı şirkət bildirir ki, bu sonsuz təsvir imkanları olan bilərzik sizə özünüzü ifadənin tam azadlığını bəxş edir, əhvalınıza və geyiminizə uyğunlaşdırıla bilir. 

Siz bilərziyin "E İnk" səthində təsviri istədiyiniz zaman dəyişə bilərsiniz, aşağı enerji sərfiyyatına malik ekran isə göstərir ki, siz qədceti tez-tez enerji məmbəyinə və ya telefonunuza qoşmalı olmayacaqsınız. Bilərziyin üzəri ağ-qara naxışlarla bəzədilib və gümüşü / qızılı / qara mat kənarlarla haşiyələnib.

Şirkət nəqliyyat və naqilsiz ödəniş kartlar sistemində istifadə olunan "Near Field Communication" kimi tanınan texnologiyadan istifadə edir. Ekran isə elektron kitablarda olduğu kimi, işıqlandırmağa malik deyil.

Yeni modellər mobil tətbiqetmədən yüklənə bilər və şirkət ümid edir ki, tezliklə istifadəçilərin özlərinin də öz dizaynlarını sata biləcəkləri onlayn mağazanın yaradılacaq. Cəmi bir neçə dollar ödəməklə siz ən dəbli, gözəl, qeyri-adi və xüsusi təsvirlərə sahib ola biləcəksiniz.

Eyni zamanda, siz telefonunuzla da şəkillər çəkərək, onu tətbiqetməyə yükləyib, bilərziyinizə yerləşdirə biləcəksiniz.


Şərhlər