URBAN.AZ

URBAN.AZ

Huawei Google şirkətinin Çin hakimiyyət orqanları tərəfindən fəaliyyəti məhdudlaşdırılan servislərinin yayılmasına kömək edəcək

İnternet mənbələrinin verdiyi məlumata görə Google şirkətinin yeni Nexus telefonu istehsalı üzrə tərəfdaşı Çinin ən iri telekommunikasiya şirkətlərindən biri olan Huawei Technologies olacaq. 

Qeyri rəsmi məlumatlara əsasən qurğu 5,7 düymlük Quad HD formatlı (2560 × 1440 piksel) displeyə malik olacaq. Yeni qurğunun baza əsası səkkiz nüvəli, 4 min piksel genişlənməni dəstəkləyən Adreno 430 videokartlı Qualcomm Snapdragon 810 prosessoru olacaq. Operativ yaddaşın 3 GB olacağı açıqlanır. Qidalanma 3500 mAs tutumuna malik batareya vasitəsilə təmin ediləcək. Smartfon iki yüksək keyfiyyətli kamera ilə təchiz olunacaq.

Lakin, onların genişlənməsi hələlik məlum deyil. İnternet şəbəkədə olan mənbələr həmçinin qeyd edir ki, Google və Huawei arasında olan əməkdaşlıq yalnız Nexus smartfonunun buraxılışı ilə məhdudlaşmayacaq. Belə ki, Huawei Google şirkətinin Çin hakimiyyət orqanları tərəfindən fəaliyyəti məhdudlaşdırılan servislərinin yayılmasına kömək edəcək. Bu da xüsusən mobil tətbiqlər üçün olan Google Play Store servisinə aiddir. Google isə öz növbəsində Huawei şirkətinə yeni qurğularını və o cümlədən smart saatların ABŞ bazarına çıxarılmasına yardım edəcək.


Şərhlər