URBAN.AZ

URBAN.AZ

Bu gün MWC 2015 (Mobile World Congress) sərgisində ən gözlənilən təqdimatlardan biri baş tutdu. Samsung şirkəti Samsung Galaxy S6 və Samsung Galaxy S6 Edge smartfonlarını təqdim etdi. 

Samsung Galaxy S6 smartfonunun ön hissəsində 2560 x 1440 ölçülü 5,1″ AMOLEDekran (577 ppi)  və ənənəvi Samsung şirkəti loqosusu ilə yanaşı aşağı hissədə «əsas səhifəyə keçid» və barmaq izləri skaneri rolunu yerinə yetirən düymə ilə təchiz edilib. Qeyd edilən göstəricilər ilə yanaşı ön hissədə 5MP kamera, hissiyat və hərəkət sensorları yerləşdirilib. Arxa qapaq Gorilla Glass texnologiyalı şüşədən hazırlanaraq, yanlardan metal korpus ilə haşiyələnib.

 

Smartfonun daxilində bu gün üçün ən güclü texnoloji yeniliklər quraşdırılıb: 8 nüvəli Exynos 7240 prosessor (4 nüvəli Cortex-A53 1,5 GHz və digər 4 nüvəli Cortex-A57 2,1 GHz) , 3GB LDDR4 RAM, 32/64/128 yaddaş növləri və 2550 mAs həcmli akkumulyator ilə təchiz olunub. Arxa kamera 16MP keyfiyyətində çəkiliş edir.

Təbii, kamera proqramı təkmilləşdirilərək, daha keyfiyyətli çəkiliş təqdim edir. Bundan əlavə kamera işəsalınması 0,7 saniyə ərzində həyata keçəcək.

Galaxy S6 korpusu 143,4 x 70,5 x 6,8 mm ölçülərindədir və 5 rəngdə təqdim olunub. 

Təkmilləşdirilmiş Galaxy S6 Edge modelinin əsas fərqi -  hər iki tərəfdən qövsvari əyilən ekrandadır. Avropada Samsung GALAXY S6 32/64/128 yaddaş versiyaları üçün 699/799/899 avro qiymətində, Samsung GALAXY S6 Edge isə qeyd olunmuş yaddaş versiyalarına uyğun olaraq, 849/949/1049 avroya təqdim ediləcək.

Əlavə olaraq, Galaxy S6 və Galaxy S6 Edge smartfonları ilə uyğunlaşdırılmış Galaxy VR virtual reallıq dəbilqəsi də satışa çıxarılacaq.

Təqdimat zamanı şirkətin yeni Samsung Pay ödəniş sistemi də tanıdılıb. Ödəniş sistemi bir çox rəqiblərində olduğu kimi NFC ilə deyil, ənənəvi maqnit lenti üzərində smartfonu yerləşdirərək, barmaq izi ilə təsdiqlədikdən sonra həyata keçiriləcək funksionallıq ilə təchiz edilib. Bu əməliyyatı həyata keçirmək üçün heç bir əlavə qurğu tələb olunmayacağı bildirilib və yay aylarında xidmətin istifadəyə təqdim olunacağı bildirilib.

via infocity.az


Şərhlər