InterContinental Hotels Group (IHG) InterContinental Baku mehmanxanasının açılması barəsində razılığın imzalandığını bildirib. 2 ildən sonra Bül-Bül prospekti ilə Zərifə Əliyeva küçəsinin kəsişməsində, sökülmüş "Cənub" mehmanxanasının yerində InterСontinental Baku oteli açılacaq. Bu oteldə 105 otaq, eyni zamanda bir neçə "lyuks" və "yarı-lyuks", həmçinin, bir prezident lyuks otağı olacaq. Bundan başqa oteldə hovuz, lobbi-bar, klub zonası, spa- və fitnes-mərkəzlər fəaliyyət göstərəcək. 

On mərtəbəli oelin hündürlüyünün 38,50 metr olacağı planlaşdırılır. Otelin idarəsi Türkiyənin InterContinental Istanbul otelinin sahibi və rəhbəri olan The Ceylan Group-a həvalə olunacaqdır.