Həyatımızda hər şey işıq sürəti ilə dəyişir... O qədər də uzaq olmayan keçmişdə, kişilərin mübarizə obyekti olan qadın sanki əlçatmaz pyedestala qaldırılmışdı...

İndi isə biz qəribə bir tendensiyanı müşahidə edirik - kişilər özlərini qadın üçün dəyərli hədiyyə hesab edirlər. Əgər, Allah eləməsin, qadın ona qızıl qabda təqdim olunankişiyə heyranlığını bildirməsə, kişinin beyni beşinci sürətdə ona "layiq olamayan" qadının ünvanına zəhər tullamağa başlayır. Axı onların hamısı "maço"durlar! Təsəvvür edirəm, o kişilər internetin o biri başında, öz balaca ofislərində, əzilmiş köynəklərində və taptanmış ayaqqabıları ilə oturub, sağa-sola baxırlar ki, "müdir bilməsin".

Maraqlıdır: nəyə görə kişilər özlərini hədiyyə hesab etməyə başlayıblar? Müasir qadın indi zamanda hər şeyə malikdir: pul, imkanlar, dostlar və seks... Onun "daimi dayağa" ehtiyacı yoxdur. Daha çox qadınlar ərsiz uşaq dünyaya gətirir. Odur ki, müasir əsrin qadını rahatlıqla və tələsmədən istədiyi tərəf müqabilinin seçimi ilə məşğul ola bilər.

Neçə dəfə olur ki, yaşı otuzu keçmiş qadınlarımız "hədiyyələrindən" belə sözlər eşidirlər: "Sən heç kimə lazım deyilsən", "Qocalanda sənə bir stəkan su verən olmayacaq" və "30 yaşın var, zibilliyə getmək vaxtıdır"... Və yalnız o, cəmiyyətin orta statistik nümayəndəsi qadının "lazımsız mövcudluğuna" məna qata bilər...

Bu zaman bir neçə suaı meydana gəlir. Birincisi, xeyir ola, siz hədiyyəsiniz? Nəyə görə, qadın sizi özünə layiq görməyəndə xətrinizə dəyir?

Məsələn, mənim xətrimə dəymir ki, mən Connu Deppin rəfiqəsi roluna yaraşmıram. Bəs onda nəyə görə siz özünüzü hər "Ancelina Coli"yə tay hesab edirsiniz?