URBAN komandası ölümcül nömrəyə imza atıb: bir həftəlik biz ən sevdiyimiz şeylərdən imtina etmişik.

Biz daha tez-tez hiss edirik ki, sevdiyimiz şeylər bizə sevinc bəxş eləmir, sadəcə gündəlik həyatın bir hissəsinə çevrilir. Biz əyləncə gecələrinə əylənmək üçün deyil, getməli olduğumuz gedirik. Belə gecələrdə biz telefonlarımızdan ayrılımır, sosial şəbəkələrdə sonsuz xəbər lentini vərəqləyirik. Ona görə ki, həyat bizə darıxdırıcı gəlir. Evdə kompüterin arxasında axşamlarımızı keçirir, gündüzlər iş yerində sıxıcı həyata şirniyyatla rəng qatmağa çalışırıq..."yolka oyuncaqları da saxtadır və heç sevindirmir".

Odur ki, ilk dəfə fevralın 17-də hər birimiz bir qərar qəbul etdik:

URBAN-ın SMM meneceri və bloger Fatimə ən böyük qurban verməli oldu: o, internetdən imtina elədi! Nəfsinin qarşısında aciz qalmamaq üçün isə telefonundan bütün sosial şəbəkələri silib, noutbukunu bizə təhvil verib, bir həftəlik məzuniyyətə getdi. Biz isə Fatiməni bir həftədən sonra gözləyir və ümid edirik ki, real həyatın bu 7 günü maraqlı və rəngarəng keçəcək.

Eldar, URBAN-ın kontent-meneceri ziyanlı adətlərdən imtina etməyə qərar verdi. Bir həftə o, nə siqaret çəkəcək, nə də spirtli içki içəcək. Biz ümid edirik ki, bu bir həftə ona zərərli vərdişlərdən tamamilə imtina etmək üçün səbəb olacaq. Eldar isə söz verir ki, artıq gələn ikinci gün o, bütün alkoqol və nikotin boşluqlarını dolduracaq.

Aytən - azərbaycan versiyasının redaktoru, şirniyyatdan imtina etdi. Tamamilə. Şirin çaydan belə. Odur ki, indi redaksiyamızın hər bir işçisi onun yanında konfet cığarasını açmağı və yeşiklərdəki şirniyyat ehtiyyatını müzakirə etməyi özünə borc bilir. Amma əslində, biz xeyirxah komandayıq!

Emil - URBAN-ın PR direktoru bir həftəliyinə bütün əyləncələrdən imtina elədi. Hətta kinodan belə. Necə deyərlər, kim "Bozun 50 çaları"na baxa bilmədi, o, gecikdi.

Mənə - URBAN-ın redaktoruna isə telefondan imtina etmək qismət oldu. Onu da deyim ki, mən hələ yaxşı canımı qurtardım. Çünki əvvəlcə mənə avtomobildən imtina etmək təklif olunmuşdu. Yaxşı ki, iş yoldaşlarımın mənə yazığı gəldi. Telefonum növbəti çətşənbə axşamına qədər sönülüdür. Məni sosial şəbəkələrdə axtarın...

Bir həftədən sonra isə sağ qalmış və zərərli vərdişlərindən azad olmuş URBAN əməkdaşları sizinlə öz təəssüratları ilə bölüşəcəklər.

Bizə uğurlar arzulayın!