URBAN.AZ

URBAN.AZ

Beləliklə, çərşəmbə axşamı, dekabrın 2-də, saat 16:00-da biz 9108 nömrəsi ilə (istər mobil, istərsə də şəhər telefonlarından)  Asan xidmətə zəng edib, xarici pasport almaq istədiyimizi bildirdik. Bu zaman biz qeyd etdik ki, mərkəzə gəlmək imkanımız yoxdur.

Operator cavab verdi ki, xidmətin işçiləri sabah saat 11:00-17:00 arası istədiyimiz zaman verilmiş ünvana yaxınlaşa bilərlər. Biz, işə mane olmamaq üçün, nahar fasiləsini seçdik. 

Operator pasport alacaq şəxsin Bakı qeydiyyatının olub-olmaması ilə maraqlandı. Qeyd etdi ki, hələlik, bu xidmətdən yalnız Bakı və Naxçıvan sakinləri yararlana bilirlər. Tezliklə isə bu yenilik digər rayonların sakinlərinə də şamil olunacaqdır. Operatorun sözlərinə görə, pasportun alınması üçün bizim yalnız şəxsiyyət vəsiqəsinə ehtiyacımız var.

Düz saat 13:00-da xidmətin iki əməkdaşı ofisimizdə peyda olaraq, özləri ilə gətirdikləri avadanlıqları danışıqlar otağındakı stolun üstünə düzdülər.

Həmkarımızın şəxsiyyət vəsiqəsinə baxdıqdan sonra "məlumatların götürülməsinə" başlanıldı:

1. imza;

2. sağ və sol əlin izləri;

3. baş barmaqların izləri;

4. fotoşəkil.

Proses bütövlükdə 10 dəqiqə çəkdi.

Pasportu növbəti gün almaq üçün biz 160 AZN dövlət rüsumu ödədik. Pasportu bizə sabahı gün saat 12:15-də gətirdilər.

Qanuna uyğun olaraq, əgər siz 10 iş günü ərzində pasport almaq istəyirsinizsə, bu sizə 40 manata başa gələcək, 5 iş günü ərzində - 80 manata və 1 iş gü ərzində - 160 manata.

Çağırışın ödənişi bir neçə variantda aparılır: ikitərəfli (məlumat toplamaq üçün və pasportu təhvil vermək üçün) və birtərəfli (siz ya məlumatların alınması üçün çağırışdan istifadə edir və pasportu özünüz Asan Xidmət Mərkəzindən götürürsünüz, ya da Asan Xidmətə gedib, məlumatları orda verirsiniz, pasportu isə sizə yerinizdə təhvil verirlər). Biz ikitərəfli çağöröş üçün 90 manat xidmət haqqı ödədik. Zamanı puldan önəmli olan iş adamları - bu xidmət məhz sizin üçündür.

Qeyd etmək lazımdır ki, birinci qrup əlillər üçün xidmət pulsuzdur.

 


Şərhlər