URBAN.AZ

URBAN.AZ

Məşhur turist bələdçisi olan Lonely Planet qeyri-adi memarlığa düşkün olan turistlərin xüsuslə bəyəndikləri şəhərlərin adlarını açıqlayıb. Ekspertlər Bakını beşinci yerə layiq görüblər.

Reytinq artıq dünyanın memarlıq mərkəzləri sayılan Paris, Nyu-York və Londonda olmuş və yeni marşrutlar axtaran insanlar üçündür.

Reytinqə Barselona başçılıq edir. Burada Qaudinin qəribə binaları Roma dövrünün dağıntıları və qotik kilsələrlə uğurla qonşuluq edir. Ekspertlər təkcə bitirilməmiş Saqrada Familiyaya deyil, həmçinin "Balyo Evi", "Quel Parkına" da diqqət yetirməyi məsləhət görürlər.

Ekspertlərin "gümüş medalı" yunan, roma, bizans və osmanlı dövrlərində tikilən saray və qalalarla dolu İstanbula nəsib olub. Memarlıq aşiqləri üçün ən böyük marağı VI-cı əsr Müqəddəs Sofiya Məscidi, XVII əsr Mavi Məscidi və Topkapı Sarayını kəsb edir.

Üçlüyü Roma tamamlayır. Əbədi şəhərin hər addımı tarixi abidədir. Əlbəttə ki, xüsusi diqqət tələb edən məkanlar - Kolizey və Palatin təpəsidir. Panteona baş çəkin, Müqəddəs Pyotr kilsəsində Mikelancelonun və Bernininin işlərinə tamaşa edin və nəhayət, sadəcə Romanın barokko sarayları və fontanlarla zəngin küçələrini gəzin.

Memarlıq cəhətdən ən gözəl şəhərlərin beşliyinə Şanxay da daxil olub. Burada həm art-deko üslubunda binalar, həm də fantastik göydələnlərə yer var. Şanxay qülləsi, Şanxay Beynəlxalq Maliyyə Mərkəzi və Himalay muzeyinin ziyarət edilməsi mütləqdir.

Lider beşliyini Bakı tamamlayır. Reytinqin tərtibatçıları Azərbaycanın paytaxtında İçərişəhərin küçələrini gəzməyi, Qıza qalasını  və H.Əliyev mərkəzini ziyarət etməyi məsləhət görürlər.

Həmçinin, qeyri-adi memarlığı olan top 10 şəhərlər siyahısına daxil olub: Şanxay, Barzilia, Oksford, Mayami, Mumbay və Çikaqo.


Şərhlər