Koronavirus səbəbindən dünyanın bir çox ölkəsindəki muzeylər müvəqqəti bağlanmalı olsa da, onlar #MuseumFromHome həştəqı ilə onlayn tədbirə qoşulub. "İçərişəhər" Muzey Mərkəzi də kənarda qalmayıb.

Mərkəzin direktoru Əminə Məlikova öz Facebook statusunda onlayn rejiminə keçdiklərini elan edib:

“19 mart 2020-ci il tarixindən etibarən hər gün saat 12:00-dan 15:00-dək muzey mütəxəssislərimiz memarlıq abidələri, muzey eksponatları və s. haqqında söhbət edəcək. Siz sual verə və onlayn ekskursiyalarda iştirak edə bilərsiniz. Bu xəbəri dostlarınızla paylaşın! Hər kəsi, xüsusən də gənclərimizi dəvət edirəm!” 

Xəbərləri və onlayn yayımları izləmək üçün Muzey Mərkəzinin Facebook sosial şəbəkəsindəki rəsmi hesabına abunə olun. İlk virtual turda iştirak etmək üçün bu linkdən istifadə edin.

Qoşulun!