URBAN.AZ

URBAN.AZ

Kilimancaro yüksəkliyini fəth etmək arzusundasınız? O zaman 2018-ci ilin mart ayında Afrikanın ən yüksək zirvəsini (dəniz səviyyəsindən 5895 m hündürlükdə) fəth edən Camal Qaşqayın məsləhətlərini oxuyun.

 "Səyahət edən zaman biz həm pozitiv, həm neqativ hallarla rastlaşırıq. Pozitiv hadisələri yaddaşımıza həkk etməyə, neqativlərdən isə başqalarını qorumağa çalışırıq. Kilimancaro zirvəsini fəth etmək üçün Tanzaniyaya gedərkən demək olar ki. Neqativ hadisələrlə rastlaşmadıq. Yəqin ki, bu yaxşı planlaşdırma ilə bağlı idi, bəlkə bəxtimiz gətirdi... bəlkə elə hər şey dağın qonaqpərvərliyi ilə əlaqədar idi. 

Beləliklə, nədən başlamalı?

1.Azərbaycan vətəndaşları Tanzaniyaya vizanı öncədən, səfirlikdən almalıdırlar. Buna bir az ciddi yanaşmaq lazımdır. Bakıda Tanzaniya səfirliyi fəaliyyət göstərmir. Ən yaxın səfirlik isə Moskva və Ankara şəhərlərindədir. Vizanın alınması 3 aya qədər uzana bilər. Biz bu işin öhdəsindən gələ bilmədik və elə bu səbəbdən də VİZAM.AZ şirkətinə müraciət etdik, peşman da olmadıq.

2. Kilimancaro üçün yaxşı operator tapmaq vacib məsələləərdəndir. Bir çox kriteriyalar üzrə seçim etməklazım gəlir. Kütlənin fikrini, qiymətləri, və opratorun nə dərəcədə kommunikativ olduğunu nəzərə almaq lazımdır.   Qiymətlər isə müxtəlifdir: 900 - 4000  dollar arası dəyişir. Bazarda gözəl və rahat səhifələri olan vasitəçilər çoxdur.  Əslində isə siz sadəcə fəaliyyət göstərən yerli şirkətlərdən birinə yönləndiriləcəksiniz. Hətta bazarda sizə rus mətbəxini vəd edən  rusdilli bələdçiləri olan operatorlara rast gələ bilərsiniz. Mən  kələ dolması, borş, səhər yeməyi üçün kökə təsəvvür etdim.  Amma anladım ki, bu, mənim üçün adət olunan qida deyil. Bu səbəbdən də yerli şirkətlərdən biri olan Topi Adventure-ni seçdik. Sahibinin  əvvəllər bələdçi olması bizi cəlb etdi. Söhbət əsnasında onun işi yaxşı bildiyini anladım:, müxtəlif aspektləri optimallaşdırmağı , yeniliklərdən uzaq durmağı təklif edir, bizi razı salan müxtəlif məsləhətlər verirdi.

Operator nə ilə məşğul olur?  Ödənişin çox hissəsini özünə götürən bu şəxs, bələdçiləri , aşpaz və köməkçiləri təyin edir,düşərgələrdə çadırların qurulmasına nəzarət edir,su və qida təminatını yerinə yetirir, lazım gəldikdə, çatışmayan avadanlıqların təminatını reallaşdırır. 

Bütün səyahət bizə (biletlər və viza daxil olmaqla) 3000 dollara başa gəldi.

  • operator  $1500-$1600 
  • tipslər  $500 
  • aviabilet  $600-700
  • viza  $150-$200 

3. Sizə yalnız  uyğun və rahat paltar və lazımi əşyalarla dolu olan bel çantası götürmək lazım gələcək.  Mən özümlə su keçirməyən ponço (üst geyimi), 1 şüşə su, ilk yardım dəsti, balaca fənər, kamera ,bir az yemək və gün eynəyi götürmüşdüm. Dağa qalxmaq üçün lazımi avadanlıqlar barədə öz operatorunuzla məsləhətləşsəniz, daha yaxşıolar, yanlış anlaşılmamaq üçün mən bu barədə danışmaq istəməzdim. Nəzərə alın ki,yüksəklikdə temperatur  - equation.pdf C idi. 

Mənim ləvazimatlarım:

  • trekinq üçün uzunboğaz çəkmə(The North Face)
  • yüksəklikdə geyinmək üçün çəkmə (Boreal Kangi)
  • gödəkçə: Berthhaus
  • termogeyim
  • fliska
  • sukeçirməz şalvar
  • fənərlər
  • keyfiyyətli gün eynəyi
  • 35-40 l    80-90 l tutumlu bel çantaları
  • alınüstü  fənər
  • fit
  • kamera və telefen üçün powerbank 
  • qoruyucu papaq
  • ələ rahat oturan, yüngül və isti əlcək  The North Face (xizək və ya dağ üçün)
  • su üçün şüşə
  • ilk yardım dəsti

4. İndi isə marşurut haqqında . Tədbirin nə dərəcədə uğurlu alınması məhz marşurutun seçimindən asılıdır. Ən rahat marşurut - Marangu route –dur. Burada sizə hətta duş kabinaları olan evlərdə yaşayışı belə təqdim edəcəklər. Onu da qeyd edim ki, bu çox cansıxıcı marşurutdur. Səbəb isə gözəl mənzərələrdən məhrumiyyət və daimi hamar yüksəklikdir. Bu, sizə iqlimə öyrəşməyə imkan vermir. Buna görə də mən sizə Machame или Lemosho-nu məsləhət görürəm. Başqa marşurutlar da var. Onları araşdırmağı da sizin öhdənizə buraxıram.

5. Afrikaya yazda və noyabrda getməyi məsləhət görmürəm. Daha doğrusu, Kilimancaroya. Çünki bu vaxtlar burada yağış mövsümü olur. Qalın duman və rütubət sizə səyahət etməyə imkan verməyəcək. Buludların arası ilə qarlı zirvəyə çatmaq üçün biz mart ayını seçdik. Hava və qar  ilə bəxtimiz gətirsə də, bu mövsümü məsləhət görməzdim.  Onu daq eyd edim ki, biz səyahətdə olarkən qatı dumanda 3 nəfər  itdi və nəticə heç də xoşagələn olmadı. 

6. Yaxşı olar ki, elə birbaşa Kilimancaro hava limanına uçasınız. Bakıdan bir enişlə Qatar Airways, FlyDubai/Emirates, Turkish Airline təyyarələri ilə uçmaq olar. Özünüz üçün ən rahat marşrut seçin, bir günü də geri dönüş üçün əlavə olaraq ehtiyatda saxlayın. Moşi şəhərinin yerli əhalisinin yaşayış tərzini izləyə bilər və ya ən yaxşı halda safariyə səfər edə bilərsiniz. Zamanınız boşa getməyəcək.

7.Səfərə fiziki cəhətdən hazırlaşmaq vacib məsələlərdəndir. Əgər dağa ilk səfərinizdirsə,  bu zaman siz  həftədə 2 dəfə ən azı 5 km qaçmalı, 100-200 dəfə   oturub-qalxma hərəkətləri etməli, tez-tez üzməli, səyahətdən öncə ölkəmizin dağlıq ərazilərinə səfər etməlisiniz. Hətta Qızıl Qayaya da səfər iqlimə öyrəşməyinizə kömək edəcək.

 

8. Mənəvi hazırlıq! Tarix və marşurut bəlli olan kimi marşurutun təsvirini oxumaq, öncəki səyyahların videolarını izləmək lazımdır. Özünüzü bu səyahətə hazırlamanız vacibdir. Ruhunuz sizi yüksəkliyə qaldıracaq. Möhkəm və özünüzə əmin olmalısınız. Çünki fiziki cəhətdən yorulsanız belə, ruh yüksəkliyiniz sizi geri çəkilməyə qoymayacaq.

9. Uğurlar! Sonda isə bayrağımızı özünüzlə götürməyi unutmayın! Üçrəngli bayrağımız hər yüksəkliyə yaraşıq verir. Şəkillərdə ona baxmaq inanılmaz qürur verir. Onu dağı fəth edərkən əldə tutmaq isə sözlə ifadə oluna bilməyən bir hissdir.


Şərhlər