Edqar Alan Po - onun bədbin və qorxulu hekayələri yazıçıya dünya şöhrəti gətirmişdi. Məhz Po ədəbiyyatda adət etdiyimiz detektiv ənənələrini formalaşdırmışdı.

O, tarixdə sözün həqiqi ustası kimi qalmışdır. Yazıçı hesab edirdi ki, dahilik - illər boyu əzmli əmək sayəsində mənimsənilən qabiliyyərdir. Ona görə də, ən zəif sezilən hislər, ən incə həyəcanlar yazıçının əsərlərində ifadəsini tapa bilirdi.

Po Amerikada o qədər də tanınmırdı. Lakin onun əsərlərini tərcümə edərək, Avropa simvolistlərinə tanıdan Bodlerin sayəsində Ponun yaradıcılığı okeanın o tayına gedib çatırdı. Edqar Ponun əsərləri Mallarme, Metterlink və əlbəttə, Ktulxu miflərinin yaradıcısı olan Hovard Lavkraftın yaradıcılığına böyük təsir göstərmişdir.

Edqar Alan Po yazıçı və şair olması ilə bərabər, görkəmli riyazi qabiliyyətə malik insan idi. O, özünə o qədər əmin idi ki, istəniləm kriptoqramı çözəcəyini bildirirdi. Po həqiqətən də, istənilən riyazi məsələni çözürdü. Yeganə həll edə bilmədiri kriptoqram "Beyl Kriptoqramı" idi ki, deyilənə görə, Po özü onun yaradıcısı olmuşdur.

Alkoqolizm tutmaları yazıçını psixi pozuntulara düçar edirdi. Məşhur detektivlər müəllifinin özünün də ölümü bir müəmma olaraq qalır. Onu parkda huşsuz halda aşkar etmişdilər. Müayinənin nəticələri isə qeyb olmuşdu. Odur ki, yazıçının ölüm səbəbləri anlaşılmaz olaraq qalmışdır.