İmpressionizmin yaradıcılarından biri olan Eduard Mane hüquqçünas ailəsində anadan olmuşdur. Uşaqlıqda təhsilə heç bir maraq göstərməyən Eduardın yeganə havasi və marağı rəssamlığa idi. Lakin atası onun "Qeyri0ciddi" həvəslərinin tam əleyhinə idi. Kompromis, Manenin dənizçilik məktəbinə göndərmək qərarı zaman əldə olunur. Lakin o, qəbul imtahanlarından keçə bilmir. Necə deyərlər, təhsilinin azlığı özünü göstərir. Odur ki, Eduardı hazırlaşmağa göndərirlər. O da Braziliyaya səyahətə gedir. Bu rəngarəng ölkə karnavalları və qadınları ilə onu fəth edir.

Fransaya qayıdan Mane yenə də imtahanlardan keçə bilmir. Lakin gətirdiyi rəsmlər atasını oğlunun rəssamlıq istedadına inandıra bilir. Bu zaman atası ona İncəsənət məktəbinə daxil olmağa məsləhət görür. Amma rəssam hələ uşaqlıqdan akademik məktəbə məhəbbəti ilə seçilmirdi. Odur ki, Mane dəbli bir rəssamın emalatxanasında təhsil almağa gedir, lakin bu rəssam da ciddi akademik qaydalarla dərs keçir. Nəticədə bu, aşkar düşmənçiliyə çevrilir.

Manenin ən yaxşı müəllimləri Qoya və Velaskes olur. Onların yaradıcılığı ilə rəssam Avropa səyahəti zamanı tanış olur. Rubensin işləri də ona böyük təsir göstərmişdir. Manenin özü deyirdi: "Rəsmi salonları fəth etməzdən əvvəl, mən öz müəllimlərimə olan hörmətimi bildirməliyəm". Lakin akademizmlə müharibədə Mane həm uddu, həm uduzdu. Uduzdu ona görə ki, onun rəsmləri 19-cu əsrin 90-cı illərində, yəni rəssamın ölümündən sonra tanındı. Uddu ona görə ki, onun rəsmləri sadəcə tanınmadı. O, öz əsərləri ilə təsviri incəsənətdə elə bir cərəyanın əsasını qoydu ki, bu məktəb onlarla il dünya rəssamlığına təsirini davam etdiridi.