Pasternakın daha çox şair və ya nasir olduğunu seçmək çətindir. Kimsə onun lirikasını sevir, kimsə də hekayə və romanlarını göylərə qaldırır. Elə insanlar da var ki, onun yaradıcılığının hər iki istiqamətini yüksək qiymətləndirir.

Gələcək ədib yaradıcı ailədə dünyaya gəlmişdir. Onun atası rəssam, anası isə pianoçu idi. Onlar evlərində Tolstoy, Raxmaninov, Skryabin və başqa yaradıcı insanlar qonaq olardı. Pasternak gələcəkdə nə ilə məşğul olacağı seçimini edən zaman böyük çətinliklə üzləşdi. O, musiqi ilə fəlsəfə, fəlsəfə ilə poeziya arasında seçim edə bilmirdi. Özü yazırdı: "Hər şeeydən çox mən musiqini sevirəm. Lakin mənin musiqi duyumum mükəmməl deyil..." Uzun götür-qoydan sonra pasternak musiqiçi və bəstəkar karyerasından imtina edir və Marburq Universitetinin fəlsəfə fakültəsinə qəbul olur. 

Lakin Pasternak fəlsəfəni də tərk edir. Poeziya ilə məşğul olmağa başlayır. 1913-cü ildə öz ilk şerini dərc elətdirir, ilin sonunda isə, artıq "Buludlarda əkizlər" adlı ilk şer kitabını. O, futuristlərlə və Mayakovski ilə tanış olur. Bu tanışlıq onun yaradıcılığına təsir göstərir. Lakin sonradan o, bu cərəyandan uzaqlaşaraq, neytral mövqe tutur.

Lap əvvəl sovet hakimiyyəti ilə münasibətləri son dərəcə yaxşı qurulur. Lunaçarskinin özü Pasternakın valideynlərinə Avropaya köçməkdə yardım göstərir. Sonradan isə hər şey dəyişir. Onu demək olar ki, tamamilə rəsmi ədəbiyyatdan uzaqlaşdırırlar. Qazancının çox hissəsi tərcümələrin hesabına əldə edilir. O, sonradan klassikaya çevrilən Şekspirin, Hötünin, Şillerin tərcümələrini edir. O, ailəsini və özünü pulsuzluqdan xilas edir. Boynuna alır ki, ömrünün yarısını tərcümələrə həsr etdiyi üçün, bu qədər az yarada bilmişdi.

Dörd il dalbadal Nobel mükafatına namizəd olan Pasternakın nəhayət ki, bu mükafatı qazanması sovet ədibləri tərəfindən çoxsaylı etirazlara səbəb olur. Onu nəinki Yazıçılat İttifaqından kənarlaşdırırlar, İttifaqın özü Borid Pasternakı sovet vətəndaşlığından məhrum etməyi təklif edir. Yazıçıya edilən təzyiqlər ümumdövlət xarakteri alır. Cavaharlar Neru və Alber Kamyu mükafatın verilməsində təkid edirlər, lakin yazıçı mükafatdan imtina edir. 

Bir il sonra isə yazıçıda xərçəng xəstəliyi aşkar olunur və o, dünyasını dəyişir.