www.santa.az layihəsi yadınızdadırmı? 

Prosper Cartoon Studio-nun əməkdaşlarıyla ən ülvi arzularını bölüşən 74 uşağın arzusu 4 saat içində çin olmuşdu. Daha bir möcüzə baş vermişdir. Daha doğrusu, bir yox, çox möcüzələr.  Prosper Cartoon Studio-nun ofisi hədiyyələrdən dolub-daşır!

Siz o qədər hədiyyə gətirmisiniz ki, regionlarda yaşayan uşaq evlərinə ziyarətlər təşkil etmək qərarı verilib (xeyirxah insanlar ora gedib çata bilmirlər). Bu çərşənbə (17 dekabr) Santa Siyəzənə və Xızıya gedir. Səhəri gün isə o, Qubadakı uşaq evində hədiyyələr paylayacaq. İmkansız ailələrin uşaqları, internatda yaşayan uşaqlar və məhdud fiziki imkanları olan uşaqlar Santadan hədiyyələr alacaqlar.

Santanın köməkçisi kimi tura qoşulmaq istəyənlər çərşənbə günü saat 7-də "Nizami" kinoteatrının yanında öz maşınları ilə olsunlar. Bizi maşınlar hədiyyələrlə doludur:)  Tura yazılmaq üçün dekabrın 16-da 0502448055 nömrəsinə zəng etmək lazımdır.