Bu gün Şarl Perronun adı nağılbaz-yazıçı kimi tarixdə qalsa da, öz vaxtında o, şair, hətta alim kimi tanınırdı. Lakin ölümsüzlüyü ona, sözsüz ki, nağılları gətirmişdir. Nağıl yazmaq Şarl Perro üçün keçici həvəs deyildi. O zaman cəmiyyətdə fəlsəfi və tarixi nağıllara maraq var idi. Hətta Da Vinçi vaxtında nağıl yazırmış. Perro da nağıl yazmağa başlayanda bu işin qeyri-ciddiliyindən utanıb, onları imzalamırdı. Axı o Maliyyə Naziri Kolberin köməkçisi, məşhur alim idi. Odur ki, nağılların müəllifi kimi onun oğlu qeyd edilirdi. Ona görə də, bir müddət sonra bütün nağılların müəllifliyi Perronun oğluna aid edilməyə başlayır. Lakin indi hamı müəllifin məhz Şarl Perronun özünün olduğu fikrini dəstəkləyir.

Perroya nağılbaz məşhurluğunu "Ana qazın nağılları" adlı toplusu gətirir. Bu topluda yazıçı ənənəvi nağılları özünəməxsus istehza və yumorla təqdim edir. Bu nağılların bir çoxu - "Yatmış gözəl", "Göy saqqal hersoq", "Zoluşka" dəfələrlə ekranlaşdırılmış, onların əsasında tamaşalar, operalar qoyulmuşdur.