Yarat qrupu özünü bu və ya digər dərəcədə incəsənət aləminə aid edən hər bir kəs üçün növbəti master-klas təşkil edir. Lakin ilk öncə o, eksperimental foto sənəti ilə maraqlanan, və öz ideyalarını müasir incəsənət vasitəsilə duyurmağa çalışan gəncliyə köklənib. Kursu Rozella Emanuel və Mervin Artur aparacaqlar. Onlar foto, rəsm və heykəltaraşlıq kimi sənətlərin sintezi ilə maraqlanır və bu sahədə konseptual axtarışlarla məşqul olurlar. İştirakçılar özləri ilə rəqəmsal fotokamera gətirməlidirlər. Proqram səkkiz gün davam edəcək. Bu müddət ərzində ideyanın və vizual strategiyanın yaradılması, bilavasitə studiyada təlim proqramı əsasında iş və başqa təlimlər keçirilmiş olacaq.

Seminarın iştirakçısı olmaq üçün sizdən nə tələb olunur: böyük yaradıcılıq həvəsi, müstəqil iş təcrübəsi (istər foto, istərsə də təsviri sənətdə), doldurulmuş anket və motivasiya məktubu.

Adınızı müasir incəsənətə yazmaq şansını qaçırmayın.