Hörmətli, incəsənət sevərlər!

Sizi dekabr ayının 17-də gənc rəssam Ruhulla Həsənzadənin "RUH" adlı fərdi sərgisinin açılışına dəvət edirik. 

"RUH"
Hər bir insanın həyatının əsas məqsədi özünü ifadə etməkdir. Ciddi və bir o qədər də qeyri-ciddi bir məqsəd. Bütün yaradıcılığın başlanğıcında Məni yaratmaq durur. Bütün həyat fəaliyyətimiz "mən kiməm" sualından yol alır. Fərqli üsullarla özümüzü yaradırıq. Kimisi zehni həyat yaşayır, kimisi fiziki həyat. Amma ruhumuz bizdən nə istəyir heç düşündünüzmü? Bəlkə o yalnız sevmək, bəstələmək, çəkmək, rəqs etmək, oxumaq istəyir? Bəlkə tanrıya bu cür daha tez çatmaq olar? Elə isə gözlərinizi yumun, dərindən nəfəs alın, sükuta qulaq verin, tanrını hiss edin, Ruhunuzu eşidin. Ona azadlıq verin və nələr edə biləcəyini seyr edin. Həqiqətən ruhumuza azadlıq versəydik nə edərdi? Sözlərin bəsit qaldığı, eqonun yox olduğu, yalnız azadlığın, tanrının, sevginin, rənglərin danışdığı bir mühitdə Ruhumuzun nə edə biləcəyinə bir yerdə baxaq.