URBAN.AZ
URBAN.AZ

Telegram Banner
Kino

28 Cinema

1264   0

“28 cinema”- oturacaq yerlərin sayına görə respublikada ən böyük kinoteartdır. Kinoteatrda repertuarı rəngarəng etməyə imkan verən 6 zal var. Kinoteatrın repertuarını dünya premyeraları və kino yenilikləri təşkil edir. Həmçinin, xarıcı dillərdə (ingilis, türk və s.) filmlərin nümayışı də nəzərdə tutulub.

“28 cinema” kinoteatrında “28 CİNEMA CLUB” bonus proqramı da var. Proqrama istənilən şəxs qoşula bilər. Üç növ bonus kartları mövcuddur: Junior card - doğulandan 12 yaşa kimi olan ən balaca istifadıçilər üçündür (hətta oğlanlar və qızlar üçün fərqli dizaynlar mövcuddur), Standard card və Gold card. Klubun üstünlükləri ondan ibarətdir ki, bilet alan zaman karta yığılan bonusları biletlərə dəyişmək olar. Həmçinin, kartlar restoranlarda güzəşt, VİP kassadan istifadə və s. kimi üstünlüklər verir. Klubun şərt və qaydalarıyla kinoteatrın saytında daha ətraflı tanış ola bilərsiniz. Biletləri kinoteatrın rəsmi saytında onlayn, həmçinin, şəhərin bütün Paypiont ödəmə terminallarında əldə edə bilərsiniz.

Kinoteatrın özəlliyi «PLATINUM MOVIE SUITES» adlı möhtəşəm kino zalının olmasıdır. Kino zalında italiya istehsalı olan, avtomatik tənzimlənən 30 dəri oturacaq, individual masalar və ofisiant çağırış düyməsi var. Baxış zamanı “Blackberry” restoranının menyusundan istər içki, istərsə də isti yeməklər sifariş eləmək olar. Yeri gəlmişkən, kinoteatrın ərazisində popkorn (9-dan çox növü var, həmçinin, pendirli, çiyələkli, moruqlu, şokoladlı, qarağatlı,vişnəli və s.), sərinləşdirici içkilər, dondurma və Nachos çipsləri, şürün pambıq ala biləcəyiniz  Express bar fəaliyyət göstərir.  Yaxınlıqda  italyan qəhvəsinin və desertin dadına baxab , yüngül qəlyənaltı edə biləcəyiniz “Cappuccino coffee house” yerləşir. Həqiqi qurmanlara isə biz “Blackberry cafe &bar”-ı məsləhət görürük. Burada müxtəlif ölkələrin ləziz mətbəxi, zəngin alkohol və kokteyl xəritəsi sizə təqdim olunacaq.

+994124998988

Füzuli küçəsi ilə Azadlıq prospektinin kəsişməsi, 28 Mall TM

10:00 - son seansın bitməsinə kimi

Sayta keçmək


Şərhlər

Oxşar məkanlar