Byuti-bokslar (gözəllik qutuları) – bütün kosmetika həvəskarları üçün əsl tapıntıdır. Bu qutularda iri və xırda şirkətlərin istehsal etdiyi kosmetik məhsulların kiçildilmiş nümunələri və probnikləri, eləcə də tam ölçülü kosmetik məhsulları yerləşir. Onlar istehlakçının kiçik məbləğdə pul ödəyərək çoxlu sayda kosmetik məhsulun sınaqdan keçirməsi üçün nəzərdə tutulmuşdur.
Hər byuti-boks bir növ lotereyadır: əsas maraq ondadır ki, onun tərkibi heç kəsə əvvəlcədən açıqlanmır. Bu trendlə maraqlandınızsa, demək məqalə sizin üçün faydalı olacaq.
BabeBox – gözəllik qutuları arasında bir yenilikdir. Burada siz içərisində 80 dollar ümumi dəyərdə beş məşhur brend məhsulu olan bir qutu sifariş edə bilərsiniz. Birinci ay üçün abunə haqqı yoxdur. Siz sadəcə olaraq öz sifarişinizi rəsmiləşdirməli və qutunun Azərbaycana gətirilməsi üçün 7 dollar ödəməlisiniz.
Abunə haqqı: ayda 29 dollar
Hər ay sizə içərisində makiyaj kosmetikasının, eləcə də saç və dəriyə qulluq vasitələrinin kiçildilmiş nümunələri olan yaraşıqlı qutu veriləcək. Bu qutularda, həmçinin həmin məhsulların istifadəsinə dair tövsiyələr də olacaq. Kosmetika istehsalçıları öz abunəçilərini xoş sürprizlərlə təəccübləndirməyi sevir. İllik abunəçiliyinizi rəsmiləşdirdikdə birinci qutu sizə cəmi 1 dollara təqdim ediləcək.
Abunə haqqı: ayda 15 dollar
Müxtəliflik tərəfdarısınızsa, Boxy Charm məhz sizin üçün yaradılmışdır. Bir qutuda sizə həm bəzək kosmetikası, həm saça və dəriyə qulluq vasitələri, həm də digər faydalı vasitələr təqdim olunacaq.
Abunə haqqı: ayda 21 в месяц
Abunəçilərə ildə dörd dəfə təqdim olunan FabFitFun gözəllik qutusunda siz mövsümə uyğunlaşdırılan yüksək keyfiyyətli kosmetik vasitələri, eləcə də dəb və fitnes həvaskarları üçün nəzərdə tutulmuş bir çox xırdalıqları əldə edə biləcəksiniz.
Abunə haqqı: bağlama üçün 49,99 dollar
Sizə içərisində Lancôme və Estée Lauder kimi məşhur brendlərin kosmetik məhsullarından tutmuş daha az tanınmış GLAMGLOW və BECCA şirkətlərin kosmetik məhsulları olan qutu təqdim olunacaq. Fərdi yanaşma sayəsində siz dərinizə və saçınıza mükəmməl şəkildə uyğun gələn məhsullardan istifadə edəcəksiniz.
Abunə haqqı: ayda 21 dollar
Müammalılıq həvəskarları üçün qeyri-adi bir qutu! Bu qutuda mənəvi qabiliyyətlərinizi inkişaf etdirməkdə sizə kömək edəcək kristallar, aromaterapiya məhsulları, qeyri-adi çaylar və daha çox şey tapa bilərsiniz.
Abunə haqqı: ayda 29 dollar
Bu xidməti sifariş etdikdə sizə 6-8 ədəd dəriyə qulluq məhsulu təqdim olunacaq. Yaponiyadan gətirilmiş kosmetik məhsullara bonus əlavə edilir – dünyanın istənilən nöqtəsinə pulsuz çatdırılma.
Abunə haqqı: ayda 29 dollar
Ipsy – içərisində 3-5 ədəd tam ölçülü kosmetik məhsulu və bir makiyaj çantası olan bağlamaya aylıq abunəlik deməkdir. Bütün məhsullar dərininizin növünə uyğun seçilir, bu və ya digər məhsulu necə istifadə edəcəyinizi bilimsinizsə, veb saytında praktiki tövsiyələrlə zəngin eksklüziv onlayn dərsləri oxuya və videoları izləyə bilərsiniz.
Abunə haqqı: ayda 14,95 dollar
Medusa Makeup – içərisində vegan kosmetikası olan ən yaxşı aylıq başlama. Bu qutuda parıltılı kirşan, ultra parlaq kölgə və metallik effektli dodaq boyası kimi qeyri-adi məhsullar əldə edə biləcəyinizə hazır olun.
Abunə haqqı: ayda 15,95 dollar
Koreyadan gələn yaraşıqlı qablaşdırma sevənlər – bu gözəllik qutusu sizin üçün nəzərdə tutulub. Bağlamaya TonyMoly və Innisfree şirkətlərinin, eləcə də Koreyanın onlarla digər brendlərinin dekorativ və qulluq kosmetik məhsulları daxil edilir. Həyatinizı qidalandırıcı və yaşlanma əleyhinə maskalarsız təsəvvür edə bilmirsinizsə, abunəlik növünü seçdikdə göndərilən maska və digər dəriyə qulluq vasitələrinin sizə bütün ay ərzində (növbəti bağlama gələnədək) kifayət edib-etməyəcəyini nəzərə alın.
Abunə haqqı: ayda 13,95 dollar
Lip Monthly heyəti abunəçilərinə dodaq üçün 4-5 ədəd tam ölçülü məhsul göndərir. Sizə dodaq parıltıları, maye dodaq boyası, dodaq balzamları, skrablar və karandaşlar təqdim olunur. Bunlara yaraşıqlı kosmetik çanta əlavə olunur!
Abunə haqqı: ayda 11,45 dollar
Live Glam Morphe Makeup Brushes
Xanımlar hər zaman fırçalarının sayının az olduğundan gileylənirlər. Hər ay tanınmış brendin 3-8 fırçasını göndərən Morphe bu problemi birdəfəlik həll edir. Live Glam isə dodaq üçün məhsullara və göz kölgələrinə abunəliyi təqdim edir.
Abunə haqqı: ayda 19,99 dollar
Heyvanlar üzərində sınanmayan, orqanik və ekoloji cəhətdən təmiz məhsullara üstünlük verirsinizsə, bu qutu xoşunuza gələcəkdir. Hər bağlamaya tərkibində GMO olmayan 4-5 ədəd vegan məsulu, eləcə də sağlamlıq və üslub məhsulları və ya ev əşyaları daxil edilir.
Abunə haqqı: ayda 29,95 dollar
Nina Nailed It Monthly Mani Kit
Nina Nailed It Monthly Mani Kit mükəmməl dırnaq sevənlərə eksklüziv dırnaq dəstini təqdim edir. Nina Nailed It tərəfindən hazırlanan abunəlik neyl-art üçün aksessuarları da əhatə edir.
Abunə haqqı: ayda 10 dollar
Play! – Sephora ekspert qrupu tərəfindən seçilən 5 dəbdəbəli dəri və saç baxımı və kosmetika məhsulları dəstini əldə etmək üçün əla fürsətdir. Əlavə olaraq qutuya məhsulların düzgün istifadəsində sizə kömək edəcək tövsiyələr kitabçası və videodərs linkəri daxil edilir.
Abunə haqqı: ayda 10 dollar
Bəzən bahalı bir kremin evdə istifadə edilməsi zamanı onun mağazada alınması zamanı aşkar edilməyən alergiya reaksiyasına rast gəlinir. PInk Seoul xidməti öz qutularına bu cür hadisələrin qarşısını almağa kömək edən və bir neçə istifadəyə kifayət edən probnikləri daxil edir. Bu qutuları sifariş etmək üçün siz öz dərinizin növünü geyd etməlisiniz ki, onun əsasında sizə uyğun kosmetik vasitələr göndəriləcəkdir.
Abunə haqqı: ayda 29 dollar
Target – ən populyar gözəllik qutusu abunəçiliklərindən biridir. Bu yaraşıqlı qutuya üz təmizləyicilərindən tutmuş dekorativ kosmetika məhsullarınadək hər cür kosmetik məhsul daxil edilir. Digər gözəllik bağlamalarından fərqli olaraq burada siz, həmçinin kişi kosmetik məhsullarını da tapacaqsınız. Bundan əlavə, qutunun qiyməti digər qutu istehsalçıların qiymətlərilə və tək-tək alındıqda məhsulların üzərlərinə qoyulan qiymətlərlə müqaisəolunmaz dərəcədə azdır.
Abunə haqqı: ayda 7 dollar
Tam ölçülü ətir şüşəsi almadan bəyəndiyiniz ətri sınaqdan keçirmək istəyirsinizsə, Scentbird gözəllik qutularına abunə olun. Burada siz 450 növ rayihədən ibarət kolleksiyadan 8 ml həcmdə nümunələr sifariş verə bilərsiniz. Ətir xoşunuza gəlsə, onu birbaşa Scentbird veb saytından sifariş verə bilərsiniz.
Abunə haqqı: ayda 14,95 dollar
Burada isə biz birbaşa çatdırılmanın mümkün olmadığı təqdirdə bağlamaları Bakıya çatdıran 8 poçt xidməti haqqında məlumat topladıq.
