Hər gün yeni-yeni mağazaların açılmasına və hər cür brendin mövcud olmasına baxmayaraq bakılılar Bakıda nəyinsə çatışmadığını hiss edir. Sorğu keçirdərək biz camaatın Bakıda hansı mağazaları görmək istədiyini öyrəndik. Bəs siz Bakıda nə görmək istərdiniz?
Spoyler: qadınlar kosmetik məhsulların, kişilərsə mebelin daha çox olmasını istəyir.
6. The Body Shop
The Body Shop bizi öz “Biznesimizi sosial sahədə və ətraf mühitin qorunması sahəsində müsbət dəyişikliklərə həsr etməyə” çağırır. Bu brendin tarixi Anita Roddikin ilk dəfə 1976-cı ildə The Body Shop adlanan bədənə qulluq vasitələri mağazasını açması ilə başlayır. O zaman Anita biznes təcrübəsinə malik deyildi. O, insanlara həqiqətən də keyfiyyətli məhsul təklif etmək istəyirdi. Hazırda onun malik olduğu dünya üzrə satış nöqtələrinin sayı 2700-dən keçmişdir. Birinci mağaza cəlbedici olmayan və qaranlıq divarları olan binada yerləşirdi. Buna görə də Anita onu yaşıl rəngə boyadı. The Body Shop ətraf mühiti qoruyan “yaşılların” ilk simvollarından birinə çevrildi. Hazırda bu mağazaların dünyada yayılmış ən iri şəbəkələrdən olmasına baxmayaraq, Bakıda bu mağazalar hələ yoxdur.
5. KIKO Milano
Milanın dəbli küçələrindəki atmosferdən ilham alan bu İtaliya şirkəti 1997-ci ildə təsis edilmişdir. Stefano Perkassi bu brendi 20 yaşı olanda yaratmışdır. Əfsanədə deyilir ki, yaddaqalan ad axtarışında dünyanı gəzən bu insan Manhattan barlarından birində Kiko adlı bir yapon qadını ilə rastlaşır və öz axtardığını tapdığını anlayır. Kosmetik məhsulların böyük hissəsi İtaliyada, qalanı isə ABŞ, Yaponiya və Koreyada hazırlanır. KİKO-da məhsulların keyfiyyətinə nəzarət çox yüksək səviyyədə qurulmuşdur. Belə ki, buradakı hər bir kosmetik məhsul ciddi dermatoloji sınaqdan keçir, sınaqdan bu və ya digər səbəbdən keçə bilməyən uğursuz komponent isə dərhal qara siyahıya düşür. KIKO Milano mağazalarına Avropa şəhərlərində, Moskvada və Tiflisdə rast gəlmək olsa da, bu sərfəli və yüksək keyfiyyətli brend Bakıya hələ gəlməyib.
4. Sephora
Sephora mağazalarında 250-yə yaxın brendin məhsulları təqdim olunur: kosmetik vasitələr, bədənə qulluq vasitələri, aksessuarlar. Bu şəbəkənin birinci mağazası 1970-ci ildə Parisdə açılmışdır. Bütün Fransanı əlinə aldıqdan sonra bu brend dünyanı fəth etməyə yollandı. Bu brend nəzarət edilən özünəxidmət ideyasının müəllifi sayılan Dominik Mandono tərəfindən məhşurlaşdırılmışdır. Kosmetik vasitələrin satışı mağazasında kosmetik vasitələrin (dodaq boyasının, tonal kreminin, ətrin və s.) bizə uyğun olub-olmamasını sınanması imkanına görə biz məhz ona borcluyuq. Hazırda Sephora 33 ölkədə təmsil olunur və biz 34-cü olacağımıza ümid bəsləyirik.
3. Victoria`s Secret
Bu brendin tarixi olduqca gülməli, lakin həyati başlanğıca malikdir. Bir dəfə Roy Raymond adlı San-Fransisko sakini öz həyat yoldaşına hədiyyə etmək üçün qadın alt paltarı mağazasına getməyə qərar verir. Qadın dünyası Amerikalını o qədər qorxudur ki, o, yad planetə düşmüş kosmonavtın gəzdiyi kimi uzun müddət rəflər arasında gəzir. Qadınlara xidmət göstərməyə alışmış personal ona heç cür kömək edə bilmir və bu zaman onun beynində kişilərin özünü rahat hiss edəcəyi qadın alt paltarı mağazasını yaratmaq haqqında düşüncələr yaranır. Altı mağaza açan bu insan onları brendi hazırki dövrdə idarə edən iş adamı Lesli Veksnerə satır. Victoria’s Secret brendini bir neçə sözlə xarakterizə etsək, onu münasib qiymətə əldə edilə bilən lüks adlandıra bilərik. Əsl şöhrəti isə bu brendə “mələk” adlanan modellərin iştirakı ilə keçirilən şirkətin illik şouları gətirdi. Viktoriyanın sirlərinin yaxın gələcəkdə paytaxtımızda da aşkar ediləcəyinə ümidvarıq.
2. H&M
H&M-in nə demək olduğunu bilimsinizsə, diqqətli olmağınız tövsiyə olunur. Bu hərf birləşməsi Hennes & Mauritz ifadəsinin qısaldılmış formasıdır. Bu şirkəti Vesteros (məşhur filmdəki əjdahalar iştirak etmədən) adlı İsveç şəhərində Hennes adı altında təsis olunmuşdur. Həmçinin Mauritz Widforss adlı ovçu və balıqçı mağazasını da aldıqdan sonra Hennes şirkətinin sahibi Erlinq Persson kişi paltarlarının satışı haqda düşünür və bunu həmin mağazada təşkil edir. Tədricən bu şirkət genişlənir və bazarı öz əlinə alır. Paltarla yanaşı burada aksessuar və evin içərisini bəzəmək üçün əşyalar satılır. Təəssüf ki, bunlar Bakida baş vermir.
1. IKEA
Çoxdan gözlənilən sorğular lideri! Adı öz təsisçisinin adının baş hərflərindən götürülən bu İsveç şirkəti 1943-cü ildə İqvar Kamprad tərəfindən təsis edilmişdir. Bu iş adamı ticarəti uşaqlıqdan sevibmiş: beş yaşı olanda o, öz doğma nənəsinə kibrit satıbmış. Nənəsi hər zaman öz nəvəsinin gördüyü işləri bəyənirdi, onu həvəsləndirirdi. Tezliklə o, məktəb ləıvazimatının, daha sonra isə mebelin satışına başlayır. 1963-cü ildən onun şirkəti beynəlxalq bazarda təmsil olunur və tezliklə onu ələ alır. İKEA-nın əsas xüsusiyyəti odur ki, ondan alınmış əşyaları alıcılar evdə özləri yığır, mebelin qiymətinin aşağı olması isə onun yastı qutularda satılmasına əsaslanır (bu, çatdırma xərclərini azaldır).
İKEA şirkətinin mallarına Bakının müxtəlif mağazalarında rast gəlmək mümkün olsa da, Bakıda bu brendin rəsmi mağazası hələ yoxdur.
Bəs siz Bakıda hansı mağazaların açılmasını istərdiniz?
