Küləklər şəhərində yaşayan bir italyan sevgilimin bu yaxınlarda dediyi kimi, "Baku needs a sexual revolution"¹.

Bu parlaq nəticəyə sevgilim yalnız deyil, ingilis həmkarı ilə birlikdə gəldi. Bu zaman mən kokteyl içərək ona bu bloqu yaratmaq düçüncələrimdən danışırdım.  Bəli, bəli, hər şey burada yazdığım kimi baş verdi. Məni buna məhz o, sövq etdi.

Əslində mən bu ideya haqqında illərlə düşünmüşəm. Bu işi əvəzimdən başqasının görəcəyini gözləməkdən cana yığılmışdım. Kiminsə gəlib bizi, yəni Azərbaycan xanımlarını öz məhdudiyyətlərindən azad edəcəyini gözləməkdən bezmişdim. Açığını desəm, hər bir azərbaycanlı qızına sekslə məşğul olmağın fahişə olmaq demək olmadığlını izah etməkdən cana yığılmışdım. Seks heç də narkotik deyil sözlərini deməkdən bezmişdim.

Deyirlər ki, bir dəfə sekslə məşğul olan qadın artıq heç zaman dayana bilməz... Deyirlər ki, qadının 1 seks partnyoru olubsa, deməli 101-cisi də olacaq, həmin qadın heç kimə lazım olmayan istifadə olunmuş əşyadır.

Xanımlar! Heç utanmırsınızmı? Özünüzü əşya ilə müqayisə etməkdən və özünüzlə əşya kimi rəftar etməyə imkan verməkdən utanmırsınızmı? Uydurulan qanunların zövqünüzü və ehtiyaclarınızı müəyyən etməyə imkan verməyinizə görə utanmırsınızmı?

Tutaq ki, onun 101 seks partnyoru olub, nə olsun ki? Ümumiyyətlə, slatşeyminq (slut-shaming – malik olduğu cinsi həyata görə qadının utandırılması) çoxdan bullinq və təqibin sinonimi hesab edilir.

Bakirəlik mövzusunun qorunma mövcud olmayan bir zamanda kəşf edildiyini az insan bilir. Axı yalnız bakirəlik uşağın qadının öz ərindən olmasını təsdiq edirdi. Ümumiyyətlə burada qadının şəxsi keyfiyyətləri, əxlaqsızlığı və əxlaqı ilə heç bir əlaqə yoxdur!

İkinci cəhət - analarımız və nənələrimiz müharibə dəhşətlərindən görmüşlər.

100 il ərzində iki müharibə (İkinci Dünya müharibəsi və erməni işğalı) zarafat deyil. Kişi oğul, ər, arxa, dayaq deməkdir. Kişi qızıldan da qiymətlidir. O, istədiyini edə bilər!. Təki müharibəyı getməsin, həlak olmasın

Ərlərinizin, nişanlılarınızın və qardaşlarınızın etdiyi səhvləri asanlıqla bağışlamağınızı yadınıza salın! Bəs siz səhv etsəniz, onlar sizi asanlıqla bağışlayalrmı? Əsla yox! Onlar baş verən bütün bəlalarda sizi günahlandırmamış əl çəkməzlər! Nədir bunun səbəbi? Bu, ona görə baş verir ki, qızlardan üstün olmaları oğlanlara uşaqlıqdan aşılanır. Qızları isə ikinci növ insan kimi tərbiyə edirlər. Onlar da öz həyatını ikinci növ insan kimi yaşayır. Ölənədək.

Bütöv bir millət özünəvurğun kişilər və ikinci növ olduqlarına inanan qadınlardan ibarətdir. Bunu qarşısını almasaq, sonumuz nə olacaq?

Təbii ki, kişiyə sekslə məşğul olmağa icazə verilir. Harada istəsə, kiminlə istəsə, nə vaxt istəsə! Əxlaq və məsuliyyət haqqında düşünmədən qadınları zorlamaq, döymək, aldatmaq olar. "Kişililərin hamısı xəyanət edir",- deyə "müdrik" qadın özünə təskinlik verir.  

Müharibə dövrü çoxdan keçib. Biz həm qadınların, həm də kişilərin öz qida təminatını ödəmək iqtidarında olduğu müasir və dinc ölkədə yaşayırıq. Yeri gəlmişkən, Forbes jurnalının siyahılarında ölkəmizdən iki nəfərin adı var. Onların ikisi də qadındır.

Adətən bu mövzuda düşünən insan sonda özünə: "Bu haqda fikir söyləməyə ixtiyarım varmı?",- sualını verir.

Mən müstəqil Azərbaycanın birinci nəslinin nümayəndəsiyəm. Birdə ki, yuxarıda yazılanlardam aydın olduğu kimi mən xanımam. Mən məsuliyyəti boynuma götürməyi öyrənmiş ən adi xanımlardan biriyəm. Mən Azərbaycanda hər cür insan görmüşəm. Onları birləşdiurən cəhət var: istədikləri kimi açıq yaşamaq qorxusu.

Daha bir səmimi etiraf etmək istəyirəm – mən Azərbaycanı bütün qəlbi və varlığı ilə sevən, Azərbaycandakı problemlərə görə onu tərk edib getmək istəməyən nadir Azərbaycan xanımıyam. Azərbaycanı tərk etməyimi tövsiyə edib imtina etdiyimi gördükdə mənə dəli kimi baxanlar çoxdur.

Həyatım haqqında uzun-uzadı danışmayağam, lakin bir məqamı qeyd etmək istəyirəm – kifayət qədər yaşadıqdan sonra bütün bunların boş şey olduğuna əmin oldum. Sizi "Homo azərbaycanius və bakirəlik pərdəsi" mövzusunda apardığım araşdırmanın nəticələrilə tanış etmək istəyirəm.

İllər boyu bir-birindən fərqli kişilərə "Bakirə olmayan birilə evlənərdinmi?" sualını vermişəm. Açığını desəm, "Yox, heç vaxt" cavabını verənlərin heç biri adekvat deyildi və ya ər adına layiq ola bilməzdi.

Elə kişi yoxdur ki, arvadı onunla yalnız pasportunda vurulacaq möhür üçün ailə qursun və ailə qurduqdan 1.5 il sonra ayrılacağını əvvəlcədən planlaşdırsın. Elə kişi yoxdur ki, arvadı ona açıqca nifrət etsin və "yalnız uşaqlara görə" onunla birgə yaşasın. Elə kişi yoxdur ki, onu sevməyən, lakin valideynlərinin və yaxınlarının təpkisilə ona ərə gedən qadın ömrü boyu ona sevdiyi insanla xəyanət etsin. Bu, qadın və kişilərimizin böyük əksəriyyətinə aiddir.

Deyirlər ki, bakirə olmayanlarla yalnız "lox" ailə qurur.

Xeyr, bu heç də belə deyil. Lox – öz şəxsi fikri, münasibəti, düşüncəsi olmayan və valideynlərinin, dostlarının və cəmiyyətimizin fikrilə oturub-duran insandır. Maraqlısı budur ki, bu, yalnız geridə qalmış insanlara aid deyil. Mən çox müasir dostum "Bakirə olmayanla evlənərsənmi?" sualına "Yox, atam ona fahişə deyər",- deyərək cavab verdi.

Bir çox xanımlarla ünsiyyətdən mən onların tək qalmaqdan qorxduqlarını öyrəndim. Onlar bakirəlikləri olmasa hörmətə və məhəbbətə layiq olmayacaqlarını düşünür.  Bunu onlara uşaqlıdan aşılayıblar. "Səni heç kim almaz", "Bu, qadın işi deyil", "Qadın karyera qurmamalıdır", "Sən yaxşı yemək bişirməyi öyrənməlisən", "Yazıq səni alana"... Onlar düşünür ki, Azərbaycanda onlarla ailə quracaq heç kəs tapılmaz. Onlar düşünür ki, heç kəslə ailə qurmasalar, acından ölərlər. Onlar düşünür ki, nəsilləri və qonşuları onlara əyri baxsa, ölərlər. Onlar düşünür ki, qohumlarından, valideynlərindən və əhatə dairələrində olan insanlardan başqa heç kəsə maraqlı deyillər. Məhz buna görə də həmfikir insanlar axtarmaq əvəzinə, onlar qocalanadək qohumlarının, valideynlərinin və əhatə dairələrində olan insanların sevgisinə və hörmətinə layiq olmağa çalışırlar. Onlar qadınlara hörmət edən azərbaycanlıların mövcud olduğuna inanmırlar. İnanmırlar və ya inanmaq istəmirlər?

Demək olar ki, etdiyini gizlətsə də hər kəs seksin müəyyən növü ilə məşğul olur. Bəziləri tənha yaşamamaq üçün, əcdadlarının və valideynlərinin uydurduğu həyatı yaşamaq üçün hər vasitəyə əl atır, bakirəliyi imitasiya edir, intihara cəhd edir.

Niyə?

Çünki mənim çox sevdiyim Azərbaycanda infantilizm çox güclü inkişaf edib. Biz indiyədək atamızın, anamızın, babamızın, nənəmizin, yaxınlarımızın, qonşumuzun bizim haqqımızda nə deyəcəyindən qorxan böyük uşaqlarıq. Yaşımızın 20, 30, 40 olmasına baxmayaraq. Nə kişi, nə də qadınlar böyümək, öz həyatına, öz seçiminə görə məsuliyyət daşımaq istəmir. Cəmiyyətimiz tərəfindən bəyənilməmiz üçün vaideynlərimizin və yaxınlarımızın dediklərilə oturub dururuq. Peşə seçimimizdən tutmuş seksual həyatımızadək. Biz bütün hayatımız boyu bizə sekslə məşğul olmaqla xoşxət olmağa imkan verməyən hansısa mifik "mentalitetə" əsaslanırıq.

Bir sözlə, mən şəxsi bloq yaratmaq və hər həftə oraya yeni məlumat əlavə etmək qararına gəlmişəm. İllərlə bir-birilə görüşən, lakin bir-birindən ayrı yaşayan və bir-birilə sekslə məşğul olmayanlardan yazmaq qərarına gəlmişəm. Oteldə otaq götürməyin nə dərəcədə problemli olmasından, bakirə olmayanların düşüncələrindən, boasanmış qadınlardan, evli şorgözlərdən və onlara inanan sadəlövh qızlardan yazmaq qərarına gəlmişəm. Çünki seks heç zaman "sadəcə seks" deyil. Onun mövcud olmaması səbəbləri sadə deyil.

Bakirəlik mövzusunda yazı dərc edəndən sonra tez-tez "Bakirəliklə bağlı heç bir problem yoxdur. Özünüzə daha ciddi məşğuliyyət tapın" məzmunlu məktublar alıram.

Bugünkü yazımı mən sualla bitirmək istəyirəm: "Seksdən vacib nə var? Axı seks sənin də, nəslinin də həyatını uzadır".

Sizdən sərt şərhlər almaq gözləntisi ilə
Hər birinizə sevgi və sayğı ilə
Urban.az-da yenidən görüşənədək
Bakirə olmayan bakılı xanım

¹ "Bakının seksual inqilaba ehtiyacı var" .