URBAN.AZ
URBAN.AZ

Telegram Banner

Özünüzü sevin və özünüzü sevdikcə sizə necə müsbət təsir göstərəciyini ve günü-gündən nece yaxşılığa doğru dəyişəcəyinizi görəcəksiniz. Məhz bu səbəbdən özünüzü sevməyin faydasını aşağıdakı punktlara böldüm və əminəm ki, sizlər də  bunları bəyənəcək və yararlanacaqsınız.

1.  Özünü sevməyəni heç kim sevməz və sevə də bilməz. Əgər siz özünüzü olduğunuz kimi qəbul etmirsinizsə, özünüzü olduğunuz kimi sevmirsinizsə, mənfi cəhətlərinizin üzərində çalışıb müsbət cəhətlərə çevirərək daha da sevimli olmaq istəmirsinizsə, ətrafınızdakılar sizi nece sevsin? Ona görə də ilk növbədə özünüzü sevməyi öyrənin və özünüzü sevin, amma qaydasında, əks halda narsisizmə çevrilə bilər ki, bu da yaxşı hal deyil. Necə deyərlər, qaş düzəldən yerdə vurub gözü çıxardarsınız.

2.  Həyatda neytrallıq deyilən bir anlam yoxdur. Özünə nifrət edənə hamı nifrət edəcək. Fikrinizə gətirin ki, tanıdığınız biri özünə aşırı dərəcədə nifrət edir, özünü hər yerdə gözdən salır. Qeyri-ixtiyari olaraq sizdə də bu insana nifrət yarancaq. Ona görə də özünüzə nifrət etməyə son verin, özünüzü olduğunuz kimi qəbul edərək sevin və sevilin.

3.  Özünü sevən insan hər zaman eleqant, gözəl, baxımlı, maarifli, özünə hörmət qoyaraq yerini bilən, mədəni olur. Bəzi tənbəllər özünə baxamamaq üçün maddi vəziyyətin aşağı olmasını əllərində bayraq tuturlar ki, bu da yanlış fərziyyədir. Ən aşağı büdcə ilə də gözəl, yaraşıqlı baxımlı olmaq olar.Yalnız cəhd göstərmək lazımdır. Başqlarına hörmət qoymayan, yerini bilməyən, lazım oldu olmadı olmadı fikir bildirən, hamıya lağ edən, həmişə deyinən bir insan özünə hörmət qoymur. Hər zaman maarifli olun, maariflənin, özünü inkişafda olun. İndiki zamana bu çox da çətin deyil. Niyə? Çünki ən azından internet və hər dildə məlumatlar var,əsas düzgün istifadə etməkdir. Maarifli və özünə hörmət qoyan insanlar isə həmişə mədəni olurlar. Əsas istəkdir, bunun üçün sadəcə ilk addımı atmaq lazımdır, gerisi asandir. Özünüzü sevin, baxımlı,maarifli və mədəni olun, inanın ki, hamı sizi siz özünüzü sevdikdən də çox sevəcək.

4.  Özünü sevən insan ətrafa  sevgi və xoşbəxtlik ionları saçır və bununla da ətrafa xoş əhaval ruhiyyə bəxş edir.

5.  Kimsəyə zərər vermədən özünü sevmək mənəvi bir dəyərdir və heç də eqoistlik deyil.

İnanıram ki, oxucular özünü sevən insanlardır və aranızda azacıq da olsa, özünü sevməyən varsa, bu məqalədən sonra mütləq özünü sevəcək.

Hörmətlərim və sevgilərimlə sizin Rəhiməniz.


Şərhlər