Müxtəlif proqramları və tədris səviyyələrini təmsil edən ən yaxşı italyan təhsil müəssisələri bir meydançada toplanacaqdır.
Noyabrın 1-də ilk dəfə Bakıda - Hilton otelində İtaliyada təhsilə həsr olunmuş irimiqyaslı tədbir keçiriləcəkdir. "İTALİYADA TƏHSİL AL! STUDIARE IN ITALIA" sərgisi İtaliyanın Azərbaycandakı Səfirliyinin dəstəyi ilə baş tutacaqdır.
Bu tədbirin əsas məqsədi - İtaliyada təhsilin mövcud imkanları barədə məlumat vermək və müxtəlif təhsil müəssisələrini eyni bir məkanda toplamaqdan ibarətdir.
Sərginin əsas zalında tamaşaçılar təhsil müəssisələrinin nümayəndələri ilə birbaşa ünsiyyət qura biləcəklər: onlar universitetlərə qəbul qaydaları və təhsil haqqları barədə məlumat ala və həmçinin İtaliyada təhsil və həyat səviyyəsi ilə bağlı onları maraqlandıran suallara cavab tapa biləcəklər. Bundan başqa, qonaqları zəngin təqdimat proqramı gözləyir. Məsələn, moda və dizayn sahəsində təhsillərini davam etdirmək və ya bu istiqamətdə təhsil almaq istəyənlər Istituto Marangoni, Istituto Carlo Secoli və Polimoda kimi adlı-sanlı məktəblərin təqdimatında iştirak etmək imkanı əldə etmiş olacaqlar. MIP Politeсnico di Milano, Università Luigi Bocconi (iqtisadiyyat, menecment və biznes) kimi İtaliyanın aparıcı biznes məktəblərini təmsil edən nümayəndələr bakalavr, magistr təhsili barədə həmçinin yalnız tələbə auditoriyası üçün deyil, həm də müəyyən peşəkar təcrübəyə malik mütəxəssislər üçün də nəzərdə tutulan MBA proqramları və birillik proqramlarda təhsil imkanları haqqında ziyarətçiləri məlumatlandıracaqlar.
Milan, Florensiya, Venesiya, Piza, Siena, Trento və digər İtaliya şəhərlərini təmsil edən geniş profilli universitetlər zəngin seçim imkanı yaradacaqdır. Linqvistika, sosial elmlər, tibb, fəlsəfə, riyaziyyat, informatika fakültələrinə daxil olmaq barədə məlumatları Università degli studi di Trento, Università di Lingue e Comunicazione və Tuscany University Network (TUNE): Università di Firenze, Siena, Pisa, Università per stranieri di Siena, Scuola Superiore Sant'Anna – Pisa, Scuola Normale Superiore – Pisa ali məktəblərinin təqdimat mərasimlərində əldə edə biləcəklər.
Bakıda təşkil olunacaq sərgidə Università Ca’ Foscari və Sapienza – Università di Roma kimi İtaliyanın tanınmış dövlət ali məktəbləri də təmsil olunacaqdır.
Təşkilatçılar: Təhsil sahəsində START agentliyi! Avropa ali məktəblərinin Rusiya və MDB-dəki rəsmi nümayəndəliyinin STUDIES & CAREERS dəstəyi ilə.
İştirakçı universitetlərin siyahısı www.study-italy.ru saytında yenilənir.
Qeydiyyat və məlumat
Sərgiyə giriş pulsuzdur.
www.study-italy.ru saytında öncədən qeydiyyatdan keçmək lazımdır.
Sərginin proqramı:
BAKI: 1 noyabr 2016
Keçirilmə yeri: Hilton oteli, Azadlıq prospekti, 1
Sərginin açılışı: 17.00
Sərginin iş vaxtı: 17.00 - 21.00
Əlavə materiallar:
2013-2015-ci il sərgilərindən ibarət fotoqalereya
Suallar və əməkdaşlıq üçün: [email protected]
