The Beatles - ən çox hitə malik olan qrupdur. Qrupun hər ikinci mahnısı bu ada layiq görülür. Onun dinləyicilərə göstərdiyi təsirin gücünü bu gün belə hiss etmək mümkündür. Özünüz düşünün, UNESCO kimi bir qurumda çalışan ciddi insanlar bir gün toplaşaraq, Beynəlxalq Beatles Günü keçirmək qərarına gəlirlər. 

16 yanvar tarixi təsadüfən seçilməmişdir. Baxmayaraq ki, bu tarixin qrupa birbaşa əlaqəsi yoxdur, amma məhz yanvarın 16-sı 1957-ci idə Liverpulda "The Cavern" klubu açılmışdı. Klub gələckə dünyanın ən məşhur və yaxşı caz meydançalarından birinə çevriləcəkdi. Və məhz burada ilk dəfə Brayan Epstayn "The Beatles" üzvlərinin ifasını eşidərək, onlara öz menecerliyini onlaratəklif edəcəkdi.

"Rolling Stone" jurnalı qrupu bütün zəmanların qrupları arasında birinci yerə qoymuşdur. Həmçinin, "Sgt. Pepper`s Lonely Heart Club Band" mahnısı da "Rolling Stone 500" siyahısında birinci olmuşdur.

Nə isə, gəlin qulaq asaq və xatırlayaq.