Heydər Əliyev fondunun mətbuat xidməti bildirib ki, bu gün, noyabrın 26-da “Biz birlikdəyik” adlı sərgi keçiriləcək. Sərgidə heykəltaraşlarımızın bürüncdən olan işləri təqdim olunacaq. Sərgi Avropa Oyunlarına həsr olunmuş filmlə başa çatacaq.

Sərginin musiqi müşayiəti Qara Qarayev adına simfonik orkestrin skripka ifaçıları tərəfindən təmin olunacaq.

Oxşar təqdimatlar artıq Kann, Berlin, Afina və İstambul şəhərlərində keçirilib. Onların hamısı insanları bizim mədəniyyətimiz, adətlərimiz və ölkənin oyunlara hazırlıq prosesi ilə tanış etmək üçün təşkil olunur.