Yeni il üçün ürəyinizdə arzu tutursunuz? Azərbaycan astroloqu Gülarə Səmədova 2020-ci ilin 12 bürcü üçün proqnoz verib. Artıq siz nəyi gözləməli və nəyə diqqət etməli olduğunu bilirsiniz. 

İl tutulmalar dəhlizi ilə başlayacaq: dekabrın 26-da günəş, yanvarın 10-da isə ay tutulması baş verəcək. Tutulmalar üzərində ənənələr, ailə, hakimiyyət və ayinlərlə əlaqəli bütün sistem duran iki patriarxal bürcə, yəni "Xərçəng - Oğlaq" oxuna təsir edəcək. Oğlaq və Xərçəngdəki tutulmalar fəaliyyət göstərməyən davranış təbəqələrini dəyişdirməyə imkan verir. Bu il boşanmaların və gərgin münasibətlərin sayının artması gözlənilir. Bunun səbəbi sistemin artıq əvvəlkitək fəaliyyət göstərməməsidir. Digər şəkildə münasibət qurmağı insanlar hələ öyrəşməyib.

250 ildə bir dəfə rast gəlinən möhtəşəm hadisə 2020-ci ildə baş verəcək: Günəş Sisteminin iki qlobal planeti olan Pluton və Saturnun birləşməsi. Saturn karma, səbr, itaət, müdriklik, məhdudiyyət, intizam planetidir. Bu prinsiplərə əməl etməsəniz, müəyyən xəstəliklərlə üzləşə bilərsiniz. Pluton isə məhv yolu ilə yaradan qlobal karma təmizləyicisidir.

Qlobal miqyasda Kainat uzun müddət əziyyət çəkdiyimiz ümumi karmik təbəqələrdən qurtulmağa imkan verəcək. Karma üzərində iş aparılır, günahların yuyulması gedir. 250 il ərzində yığılan bütün artıq amillərin atılması baş verəcək. Mənşəyini bilmədən riayət etdiyimiz adət və mərasimlər keçmişdə qalacaq. Lazımsız əlaqələr qırılacaq, strukturlar yenidən qurulacaq. Köhnəlmiş hər şeydən əl çəkin. Yeniliklərin yaranması üçün köhnə strukturların dağılması lazımdır.

Tutulma dəhlizi mövzusu həmişə həlledici olur. Tərəddüd edənlər üçün bu əziyyətli bir dövrdür, qətiyyətli insanlar üçünsə dərindən nəfəs alıb irəliləmək fürsətidir. Hər kəs düşünüb hərəkət etməlidir.

"Xərçəng - Oğlaq" oxu ənənə və ailə deməkdir. Buna görə də Yeni ili ailənizlə birlikdə qeyd etməyi məsləhət görürəm. Ailə ilə bağlı borcları ödəməyin vaxtı yetişmişdir.

Günəş tutulması maraqlı, yeni, müsbət olan hər şeyə təkan verəcək. Ay tutulması isə qaranlıq tərəfimizi, bütün ağrılı prosesləri, sonraya saxladığımız hər şeyi aşkara çıxaracaq. Saturn – uşaqlıqdan qalan qorxudur. Üz-üzə gəlib onun öhdəsindən gəlsək, rahat nəfəs ala bilərik.

Tutulma dəhlizi rəsmi olaraq yanvarın 10-dək davam edəcək, amma əslində növbəti hilalın görünməsinədək uzanacaq. Siçan ili yanvar 24-dən 25-nə keçəndə daxil olur, həmin anadək biz tərəddüd içində olacağıq. Tutulmanın təsiri tutulma baş verməzdən xeyli əvvəl hiss edildiyindən, biz 2019-cu ilin dekabrından artıq tərəddüd içindəyik.

Bu il uğur və karma planetləri eyni bürclə gedir. Yəni üzərində işlədiyimiz hər şey bizə uğur gətirəcək. Faydanı isə biz yanvar ayının sonunadək əldə edəcəyik.

Yanvar ayındakı ilk ay tutulması 2020-nin tutulma portalını açır. Tutulma iyun və iyul aylarında, daha sonra isə noyabr və dekabr aylarında da olacaq. Beləliklə, il iki hissəyə bölünür: birincisində biz köhnə amillərdən qurtulacağıq, iyun ayından sonra isə yeni əlaqələr quracağıq, köç edəcəyik, səyahət edəcəyik, yeniliklərlə tanış olacaq və onları tətbiq edəcəyik.

2020-ci ildə daha bir qarşıdurma baş verəcək. Mart ayından Selena (Ağ Ay) Tərəzidə, Lilit isə (Qara Ay) Qoçda olacaq. Selena bütün ili tarazlaşdırmağa, vəziyyəti ahəngdarlıq, yaradıcılıq, sevgi ilə düzəltməyə çalışır. Yaxınlarının və sevdiyi insanların əhatəsində olanlar üçün bu çox yaxşıdır. Lilit isə işlərimizin istədiyimiz kimi getmədiyi hallarda qəzəblənməyimizə səbəb olacaq. Seçim özümüzdən asılıdır. Bəzilərimiz münaqişə, bəzilərimiz isə sülh yolu ilə gedəcək. Bitərəf mövqedə qalmaq mümkün olmayacaq. Buna Metal Siçan imkan vermir. Tutulma dəhlizindən ağrısız keçmək istəyirsinizsə, harmoniya və barış yolunu tutun.

Növbəti tutulma dörd bürcün həyatını çətinləşdirəcək: Xərçəng və Oğlaq (tutulmanın məhz bu bürclərdə baş verəcəyi üçün), Tərəzi və Qoç (tutulmanın onlara da təsir göstərdiyi üçün). İyun ayındakı tutulma Oxatan və Əkizlər, Qız və Balıqlara təsir edəcək. Buğa, Şir, Əqrəb və Dolça üçün bu il çox uğurlu olacaq.

QOÇ

Qoç üçün bu ilin əsas amili səbrdir. Karyera sahəsində səbr və təşkilatçılıq göstərmək lazımdır. Patronlarla və tabeliyindəki əməkdaşlarla bağlı münaqişə vəziyyətləri mümkündür. Qoç özünü bu sahədə nə qədər yaxşı göstərsə (xüsusilə doğum gününədək), onun peşəkar fəaliyyəti bir o qədər uğurlu olacaq. Əlbəttə ki, Qoçun səbr etməsi heç də asan başa gəlmir, çünki bu bürc öz qəzəbini cilovlaya bilmir. Səbr nümayiş etdirəcək Qoçlar doğum günündən sonra rahat nəfəs ala və karyera yüksəlişini gözləyə bilərlər.

Məhdudiyyətlər. Qəzəb yaradan Lilit bu il məhz Qoç bürcündə olacaq. Buna görə də qəzəbi idarə etmək üçün idmanla məşğul olmağı və ya meditasiya etməyi məsləhət görürəm. Heç kəslə münaqişə yaratmamaq üçün heç olmasa öz evinizin ətrafında qaçışla məşğul olun.

Qoruyucu mələk qismində Qoçların sevdiyi insanlar çıxış edəcək. Tənha Qoçların bu il ciddi münasibətlər qurması üçün fürsət yaranacaq. Qoçlar sevdikləri insana tamamilə başqa nəzərlə baxa və münasibətlərini yeniləyə biləcək.

BUĞA

Səfərlərlə əlaqədar müəyyən çətinliklər olacaq. Bir az daha səbrli olmalı və ehtimal ki, hədəflərinizdə düzəliş etməlisinz. Məhz 2020-ci ildə ruh və mənəviyyat haqqında düşünməyə vaxtı yetişir. Kimisi öz müəllimini tapacaq, kimisi qlobal bir şey öyrənəcək. 2020-ci ildə Buğalar kim olduqlarını və nə istədiklərini anlasalar, bu nəticələr növbəti 12 ildə onlara kömək edəcək. Yanvar ayından etibarən təhsil almağa başlamağı məsləhət görürəm.

Məhdudiyyətlər. Fırıldaqçıların təsiri altına düşmək ehtimalı böyük olduğundan, bu il Buğaların ezoterika və ya mistika ilə məşğul olmasını tövsiyə etmirəm. Yanvar ayında Buğaların ətrafının təmizlənməsi baş verəcək. Bəzi dostlar özlərinin əsl üzünü göstərə bilər.

Buğaların qoruyucu mələyi onları işdə mühafizə edəcək. Yaxın gələcəkdə sağlamlıq problemlərini unutmaq üçün səhhətində problem olan hər kəs əvvəlcədən bildiyi xəstəliklərin müalicəsi ilə məşğul olmalıdır.

ƏKİZLƏR

Bu il Əkizlər seksual və cazibədar olacaq. Gözlərinizi onlardan çəkə bilməyəcəksiniz - münasibətlərə başlamaq üçün əlverişli zamandır. Əkizlər bu il riskə getməməlidir, xüsusən də pulla bağlı riskə. İri maliyyə əməliyyatlarının son dərəcə uğursuzluqla nəticələnməsi ehtimalı böyük olduğundan, onlarla məşğul olmamaq daha yaxşıdır.

Məhdudiyyətlər. Çətinliklər onları ilin birinci yarısında karyera sahəsində gözləyir, ilin ikinci yarısında isə həyat planları və layihələrinə yenidən baxılacaq. Tutulma dövründə mümkün qədər təmkinli olsalar və lazımsız insanlarla dostluq etməkdən çəkinsələr, xoşagəlməz nəticələrin qarşısını almaq olar.

Ailə qurmuş Əkizlər üçün qoruyucu mələk onların öz övladları olacaq. Yaradıcılıqla məşğul olan Əkizlər isə uzun müddət can atdığı məqama yetişəcək.

XƏRÇƏNG

Xərçəng – hər iki tutulmaya düşən bir bürcdür. Başağrısına çevriləcək əsas mövzu şəxsi münasibətlərdir. Xərçənglərin sevgilisi çətin dövrü yaşaya bilər, ona görə də onların bir qədər səbrli olması tələb olunur. Yanvardakı təlatümlərə duruş gətirə biləcəklərsə, doğuş günündə münasibətlər sakit və hamar olacaq. İyul-avqust aylarında isə münasibətləri rəsmiləşdirmək üçün əla bir fürsət yaranacaq.

Məhdudiyyətlər. İlin ilk yarısında çətinliklər əsasən səfər sahəsində olacağından aprel ayınadək heç yerə getməməyiniz tövsiyə olunur. İyul ayından sonra rəhbərlik və ya tabeçilikdə olanlarla münasibətlərdə gərginləşə bilər: rəhbərliklə mübahisələr, tabeliyində olan insanlara qarşı isə qəzəb gözlənilir.

Xərçənglər üçün qoruyucu mələk onların valideynləri olacaq.  Onlar ailə və qohumlar tərəfindən böyük dəstək alacaq. İlin ikinci yarısında Xərçəngləri daşınmaz əmlak əməliyyatları gözləyir: birisi köçəcək, digəri çoxdan arzuladığı təmirə başlayacaq.

ŞİR

Şirlər üçün bu ciddi və iddialı bir ildir. Onlar öz iş yerində müəyyən narahatlıqlarla üzləşəcək. Bu, sağlamlığa təsir edəcək, çünki güc və enerji əskikliyi hiss olunacaq. İş yerində müəyyən münaqişələr və intriqalar ola bilər, amma fevral ayında vəziyyət yaxşılığa doğru dəyişəcək. İşdə daha yüksək vəzifəyə keçmə və ya yeni bir iş təklifi gözlənilir. Şirlər təmkinli olmasalar, sağlamlıq problemləri ilə üzləşə bilərlər. Şirin özü üçün görə biləcəyi işlərin ən faydalısı öyrənmək və inkişaf etməkdir.

Məhdudiyyətlər. Çətin anlar fevral və iyun aylarında ekstremal həyat və ya uzun səfərlər ilə əlaqələndirilir. Məsləhət görürəm ki, özünüzə qayğı göstərin və ekstremal həyata çox maraq göstərməyin. Heç vaxt ekstremal səfərlərə çıxmayın.

Şirin üçün qoruyucu mələk onun yaxınları olacaq.

QIZ

Bu, əziyyətli ildir. Narahatlıqlar uşaqlarla bağlı olacaq: onlara xüsusi nəzarət etmək lazım olacaq. Qızlarda yaradıcılıqla bağlı qabiliyyət aşkar olunacaq (hətta yaradıcılıqdan xəbəri olmayanlarda belə). Maliyyə cəhətdən hər şey yaxşı olacaq: artıq 2019-cu ilin sonunda Qız hər şeyə kifayət edəcək miqdarda pula sahib olduğunu aşkar edəcək. Yeni ildə ulduzlar yeni işləri, yeni fəaliyyətləri və inkişaf etmək arzusunu alqışlayacaq. Ona görə də bir az cəsarətli olun.

Məhdudiyyətlər. Çətinliklər tərəfdaşlarla əlaqəli ola bilər. Əsəblərinizi qorumalısınız. Maliyyə vəsaitinizi özünüzlə ailənizin arasında düzgün bölüşdürün və tutulmalar dövründə heç bir yerə sərmayə qoymayın. Acgözlük etsəniz, hər şey əldən çıxa bilər.

Qızın qoruyucu mələyi özünü dəyərlər sistemində göstərəcək. Bu sistem nə qədər möhkəm olarsa, Qızın həyatı bir o qədər yaxşı olar. Maliyyə sahəsində irəliləmək üçün fürsət yaranacaq.

TƏRƏZİ

Yanvar ayında həyat planları kəskin şəkildə dəyişə bilər. Bu il Tərəzinin ən ağrılı nöqtəsi ailədir. Səfərə çıxmağı planlaşdıran Tərəzi fikrini dəyişə, səfərdəkilər isə yaxınlarının yanına dönmək istəyə bilər. Apreldən sonra Tərəzi ailənin dəstəyini hiss edəcək və bundan sonra həyat yolunda onun daha rahat hərəkət etməsi üçün fürsətlər açılacaq.

Məhdudiyyətlər. İlin ilk yarısında sağlamlıq problemləri olacaq. Mart-aprel aylarından etibarən Tərəzilərin öz sevgililəri və iş ortaqları ilə anlaşmazlığı yarana bilər. Səbr etsəniz, bu anlar sizdən yan keçər.

Tərəzinin qoruyucu mələyi tərəzinin özüdür. Bu yalnız harmoniya və pozitivlik axtaran tərəziyə aiddir. Saf, ahəngdar, mehriban olmaq üçün mümkün qədər səy göstərmək lazımdır. Yalnız bu halda Tərəzi Kainatın hədiyyələrini alacaq. Sonrakı yeddi ildə, yəni Selena bu bürcə dönənədək onların həyatında heç bir yalana yer olmayacaq.

ƏQRƏB

Qohumlar Əqrəbləri müxtəlif istiqamətlərə çəkəcək. Hər kəs birdən Əqrəblərin kömək edə biləcəyini xatırlayacaq və onlardan kömək istəyəcək. Öz imkanlarından düzgün istifadə edən Əqrəb öz köməyini əsirgəməsə, qardaş və bacılardan dəstək alacaq.

Məhdudiyyətlər. Artıq Əqrəblər sevdikləri insanlarla münasibətdə çətinlik çəkir, onlarla dil tapa bilmirlər. Həmçinin onların sağlamlığı da bu il çox həssas mövzu olacaq: həddindən artıq çalışqanlıq göstərən Əqrəblərin sağlamlıqla bağlı çoxlu problemi ola bilər. İş həddinizi aşmayın, özünüzə vaxt ayırın. Özünüzə qarşı dürüst olun.

Bu il Əqrəblərin güclü qoruyucu mələkləri olacaq. Bu bürcdən olan hakimiyyət nümayəndələri toxunulmaz olacaq. Yeri gəlmişkən, Azərbaycanın bu bürcdən olması ölkə üçün yaxşı gələcək vəd edir.

OXATAN

Bu il Oxatan bir çox maliyyə imkanına sahib olacaq. Maliyyəni düzgün idarə etməyi öyrənməsə (Oxatanlar bunu bacarmır), ilin sonunda cibləri boşalacaq. Lakin Oxatan öz maliyyəsini yanvar ayında düzgün planlaşdırsa, növbəti 12 ildə onun pul problemi olmayacaq.

Məhdudiyyətlər. Artıq 2019-cu ildən Oxatanın sağlamlığı ilə bağlı problemləri başlayır. Tutulmalar Oxatanı silkələyəcək. İlin ikinci yarısında onlar öz həyat planlarını yenidən nəzərdən keçirəcək, sevgi münasibətləri haqqında düşünəcək və ya özlərinə sevgili tapacaqlar. Yaradıcılıqla məşğul olan Oxatanlar avqust ayınadək başa çatacaq müəyyən böhran yaşayacaqlar. Onlar müxtəlif xəyallar quracaq, lakin bu xəyallar həyata keçirilməyə bilər. Buna görə də Oxatanlara mümkün qədər rasional olmağı məsləhət görürəm.

Oxatanın qoruyucu mələyi onun dostlarıdır. Oxatanı uzun müddət ünsiyyət qurmadığı sinif yoldaşları və qrup yoldaşları xatırlayacaq və ona köməklik göstərmək istəyəcək.

OĞLAQ

Bütün Oğlaqlar maraqlı bir transformasiya prosesi yaşayır. Dəyişmək istəməyən Oğlaqlar əziyyət çəkəcək və xəstələnəcəklər. Oğlaqdakı bütün mənfi xüsusiyyətlər artıq yanvar ayında məhv edilməlidir. Bunu bacaran Oğlaqlar bu il çox irəliləyiş edəcək. Öz mənfi xüsusiyyətlərindən yanvar ayının sonunadək azad olmağı bacaran Oğlaqlar özlərinə, ailələrinə və hətta xalqına belə xeyir verməyə qadir olacaq. Gələcək indi Oğlaqlara məxsusdur. Onlardan mənfi xüsusiyyətlərdən azad olmaqdan başqa heç nə tələb olunmur.

Məhdudiyyətlər. Oxatanın çətinlikləri öz ailəsi ilə əlaqədar yaşana bilər. Bunlar baş verməsin deyə ailə üzvlərinə, xüsusən yaşlılara qarşı daha diqqətli olmaq lazımdır.

Oğlaqların qoruyucu mələyi onları işdə mühafizə edəcək. İddialı planlar quran Oğlaqlar öz istəyinə nail ola biləcək.

DOLÇA

Dolçalara birinci tutulma heç təsir etməyuəcək, qalanları isə yalnız müsbət təsir edəcək. Hal hazırda Dolça təzyiq altındadır: Dolça Erası gəlsə və hər kəs azadlıq və müstəqillik mövzusunu səsləndirsədə, hələ də heç kəs bu bürcün nümayəndələrini dinləmir. Özünün yaxşı mövqedə qalması üçün Dolça ilboyu mübarizə aparacaq. Bəzən onlar üzüləcək, özlərinə qapanacaq. Bunu etməyi məsləhət görmürəm. Axı 2021-ci ildə Dolça çox fəal olacaq.

Bu il Dolçanın səfərləri və öz təhsilini artırması uğurla nəticələnəcək. Dolçalar üçün yeni və maraqlı biliklərə sahib olmağın ən əlverişli dövrü yaydır.

Məhdudiyyətlər. Çətinliklər yaxınlarla əlaqəli ola bilər, çünki Dolçaları anlamaq mürəkkəb olacaq. Subay Dolçalar üçün daha asan olacaq, ünsiyyətli Dolça isə qəzəblə üzləşə bilər.

Dolçanın qoruyucu mələyi onun səfərdə rastlaşdığı müəllimləri olacaq. İrəli!

BALIQLAR

Bu il Balıqlar bürcünün nümayəndələri bəxtəvərdir: onların yeni başlanğıclar üçün çoxlu imkanları olacaq, onlar yeni dostlar tapacaq, eləcə də maraqlı ideyalar və layihələr haqqında düşünəcək. Mümkün qədər ictimai fəal olmağınız və hədəflərinizə xaotik şəkildə deyil, ardıcıllıqla çatmağınız tövsiyə olunur. Bu il Balıqlar intuitiv olacaq, buna görə də onların dediklərini dinləmək yaxşı olar. Taleyin əlamətlərini məhz Balıqlar çatdıracaq. Balıqların seksual cazibədarlıqları onların başqalarına təsir göstərməsinə kömək edəcək. Yaradıcılıqla məşğul olan balıqlar üçün ilin uğurlu olacağını vəd edilir.

Məhdudiyyətlər. Çətinliklər maliyyə ilə əlaqələndirilə bilər. Gündəlik qazanc haqqında unutmayın. İyun ayında Balıqlar çaşqınlıqla üzləşə bilər. Belə ki, qollarını çırmayıb işləmək lazım olduğu məlum ola bilər. Yanvarda da yaxşı fürsətlər olacaq, lakin onlardan istifadə etmək üçün çalışmaq lazım olacaq.

Balıqların qoruyucu mələyi onları ekstremal həyatda qoruyacaq. İri maliyyə əməliyyatları həyata keçirə və iri sərmayələr qoya bilərlər. 

Yeni 2020-ci ildə uğurlar!