2019-cu ilin sonuna bir aydan az vaxt qalıb və gələn ilin ən uzun istirahət günlərinin siyahısı artıq hazırdır.
2020-ci il ənənəvi uzun tətil ilə başlayır. Yeddi gün, yəni 31 dekabr - 6 yanvar tarixlərində biz istirahət edərək iş günləri üçün güc toplayacağıq.
Hər zamankı kimi bizi, həmçinin Novruz bayramında da tətil gözləyir. Martın 20-dən 26-dək biz dadlı paxlava ilə birlikdə baharın gəlişini qeyd edirik.
Bu, yeganə yaz istirahəti deyil. Belə ki, may ayının 23-24-də Ramazan bayramı qeyd olunacaq və biz 23-26 may tarixlərində daha dörd istirahət günü qazanacağıq.
Və nəhayət, 31 iyul - 3 avqust tarixlərində bizə Qurban Bayramı ilə əlaqədar tətil veriləcək.
Bəs siz artıq istirahət günlərinə dair plan qurmusunuzmu?
