Rusiya - bizim şımal qonşumuz və dostumuz, hər il olduğu kimi, bu il də noyabr ayının son bazar günü Analar gününü qeyd edir. Fikrimcə, qadını xatırlamaq üçün ən uğurlu gündür. 8 Mart deyil, 14 Fevral deyil, qadına məhz bir ana kimi həsr olunmuş gün. Bir insan üçün analıqdan daha şərəfli vəzifə təsəvvür etmək çətindir. Və bu şərəfə Tanrı qadınları layiq görüb.

Dünyanın bir çox ölkələrində Analar günü mövcuddur. Gürcüstanda martın 3-ü, Belarusiyada oktyabrın 14-ü. Ölkələrin çoxunda may ayının ikinci bazar günüdə qeyd olunur. Sentyabrın üçüncü bazar günü Qazaxıstanda anaları təbrik edirlər. Mayın 9-da Yunanıstanda, 10-da isə Filippində bu bayramı qeyd edirlər.

Əminəm ki, ölkəmizdə də  bu gün təsis ediləcək. Halbuki, analarımızı sevib xatırlamaq, onların və qadınlarımızın qeydinə qalmaq, bizim ilboyu borcumuzdur.

Əziz analar, bayramınız mübarək! Artıq ana olanlar da, hələ ana olacaq qadınlar da.

 Düşüncə fabrikindən olan Həkim