Rejissor Maykl Almereyd tərəfindən çəkilmiş film satqın polislərlə bayker-narkoalverçilər dəstəsi arasında baş verən hakimiyyət uğrunda mübarizəni əks etdirir. Hadisələr müasir Nyu-Yorkda cərəyan edir. Baş rollarda isə İtan Houk və Ed Harris çəkilmişlər. Xatırladaq ki, film Şekspirin "Simbelin" faciəsinin motivləri əsasında çəkilmişdir və onun ilk relizi də məhz bu ad altında olmuşdur. Lakin sonradan prodüserlər filmin adını "Anarxiya"ya dəyişmişdilər. Filmdə həmçinin, Milla Yovoviç, Penn Becli, Anton Yelçin və Dakota Conson da yer almışlar. Filmin ekranlara yazda çıxacağı gözlənilir.